影片
更多
2024-02-01
43 浏览
行完商场谂住医吓个肚，见呢间雪村做紧指定食品半价优惠都几抵食。简约嘅日系风格，亦有bar枱可以睇住师傅整刺身寿司，坐落环境都几舒适。做紧半价优惠嘅食品都有逾10款，我哋就叫咗其中3款，另外仲叫咗份鳗鱼饭。Omakase刺身8点盛合 $488 (折后$244)师傅会挑选每日新鲜鱼生制作刺身盛盒，今日就食到大拖罗、中拖罗、帆立贝、金目鲷、油甘鱼、白身鱼、赤海虾等等。大拖罗超肥美，入口即融，鱼油喺口入面化开。中拖罗相对冇咁肥，鱼香味更加浓郁。帆立贝够新鲜，肉质水嫩。金目鲷同油甘鱼口感爽嫩弹牙。串烧盛盒5点 $168 (折后$84)5款串烧今日师傅就预备咗香口脆卜卜嘅鸡皮、嫩滑嘅鸡腿肉、爽脆嘅鸡软骨、多汁嘅青椒仔同鲜甜嘅冬菇。串烧唔会话好咸，可以食到食材嘅鲜味。自家制免治鸡肉 $68 (折后$34）自家制嘅免治鸡肉饼面头加咗只生鸡蛋，卖相非常吸睛。鸡肉加上蛋汁同酱汁一齐食，味道浓郁。蒲烧鳗鱼丼 $188鳗鱼饭足料饭面铺满鳗鱼。鳗鱼食落冇咩骨而且烧得好香身，配埋热辣辣嘅珍珠米同鳗鱼汁酱，食到停唔到口。。。雪村 (尖沙咀)尖沙咀河内道18号K11购物艺术馆1楼106号舖。。
Omakase刺身8点盛合 $488 (折后$244)
师傅会挑选每日新鲜鱼生制作刺身盛盒，今日就食到大拖罗、中拖罗、帆立贝、金目鲷、油甘鱼、白身鱼、赤海虾等等。大拖罗超肥美，入口即融，鱼油喺口入面化开。中拖罗相对冇咁肥，鱼香味更加浓郁。帆立贝够新鲜，肉质水嫩。金目鲷同油甘鱼口感爽嫩弹牙。
串烧盛盒5点 $168 (折后$84)
5款串烧今日师傅就预备咗香口脆卜卜嘅鸡皮、嫩滑嘅鸡腿肉、爽脆嘅鸡软骨、多汁嘅青椒仔同鲜甜嘅冬菇。串烧唔会话好咸，可以食到食材嘅鲜味。
自家制免治鸡肉 $68 (折后$34）
自家制嘅免治鸡肉饼面头加咗只生鸡蛋，卖相非常吸睛。鸡肉加上蛋汁同酱汁一齐食，味道浓郁。
蒲烧鳗鱼丼 $188
鳗鱼饭足料饭面铺满鳗鱼。鳗鱼食落冇咩骨而且烧得好香身，配埋热辣辣嘅珍珠米同鳗鱼汁酱，食到停唔到口。
。
。
雪村 (尖沙咀)
尖沙咀河内道18号K11购物艺术馆1楼106号舖
。
。
张贴
