影片
更多
2024-01-25
394 浏览
今日天气冻咗好多，同朋友喺尖沙咀行完街就想打边炉，拣咗The One隔离嘅瑞生酒店入面嘅云手工火锅店。餐厅入面座位宽敞，仲有几间VIP房俾一大班人book枱围住张圆枱打边炉，私隐度几高。火锅酱料上碟都几精致，九宫格托盘俾客人自己捞，选择足够，有生蒜、炸蒜、芫荽、葱粒、辣椒粒、芝麻酱、沙嗲酱、沙茶酱同秘制辣油。汤底方面我哋拣咗火焰三椰鸡锅，十分有惊喜，上枱时锅入面有半只鸡、椰子肉同红萝卜，职员会先将锅入面嘅鸡件煎香，再加入白酒，然后点火，制造火焰嘅视觉效果同时亦都将酒味渗入啲鸡件入面，之后冚盖滚一阵再加入新鲜椰青、椰皇同熬制过嘅鸡汤，就完成一个非常浓郁清甜嘅椰子鸡汤底，滚起之后未落火锅料已经先饮咗两碗汤。呢间餐厅嘅火锅配料选择好多，有唔同嘅肉类、海鲜、刺身、饺类、丸类、蔬菜同串烧，我哋嗌咗美国安格斯牛肉、手打黑松露墨鱼丸、牛骨牛汁丸、娃娃菜同粉丝。美国安格斯牛肉系薄切嘅牛肉片，份量合理，食落有牛味，肥瘦适中。半份嘅丸有四粒，手打黑松露墨鱼丸食落去弹牙，有淡淡嘅黑松露香味，牛骨牛汁丸咬落去都弹牙爆汁，食得出系真材实料嘅牛丸，最后嘅娃娃菜同粉丝吸晒啲椰子鸡汤嘅精华真系好好食，推介大家冬天嚟呢
火锅酱料上碟都几精致，九宫格托盘俾客人自己捞，选择足够，有生蒜、炸蒜、芫荽、葱粒、辣椒粒、芝麻酱、沙嗲酱、沙茶酱同秘制辣油。汤底方面我哋拣咗火焰三椰鸡锅，十分有惊喜，上枱时锅入面有半只鸡、椰子肉同红萝卜，职员会先将锅入面嘅鸡件煎香，再加入白酒，然后点火，制造火焰嘅视觉效果同时亦都将酒味渗入啲鸡件入面，之后冚盖滚一阵再加入新鲜椰青、椰皇同熬制过嘅鸡汤，就完成一个非常浓郁清甜嘅椰子鸡汤底，滚起之后未落火锅料已经先饮咗两碗汤。呢间餐厅嘅火锅配料选择好多，有唔同嘅肉类、海鲜、刺身、饺类、丸类、蔬菜同串烧，我哋嗌咗美国安格斯牛肉、手打黑松露墨鱼丸、牛骨牛汁丸、娃娃菜同粉丝。美国安格斯牛肉系薄切嘅牛肉片，份量合理，食落有牛味，肥瘦适中。半份嘅丸有四粒，手打黑松露墨鱼丸食落去弹牙，有淡淡嘅黑松露香味，牛骨牛汁丸咬落去都弹牙爆汁，食得出系真材实料嘅牛丸，最后嘅娃娃菜同粉丝吸晒啲椰子鸡汤嘅精华真系好好食，推介大家冬天嚟呢间火锅店打个暖笠笠嘅边炉！
📍尖沙咀加连威老道20号瑞生尖沙咀酒店3楼
位置就脚：🍊🍊🍊🍊🍊
餐厅环境：🍊🍊🍊🍊
食物味道：🍊🍊🍊🍊🍊
整体CP值：🍊🍊🍊🍊
火锅酱料
10 浏览
0 赞好
0 留言
火焰三椰鸡锅
$328
10 浏览
0 赞好
0 留言
美国安格斯牛肉
$268
16 浏览
0 赞好
0 留言
牛骨牛汁丸
$52
12 浏览
0 赞好
0 留言
手打黑松露墨鱼丸
$52
7 浏览
0 赞好
0 留言
张贴
