胡爐 (已結業)

天气冻，就梗系要打边炉啦，今日系厚福街见到胡炉呢个餐厅名，就撩起左我地要打边炉呢个念头。呢间系单点火锅店，质素就一定系好过任饮任食个D啦，所以系值得来试试的。入到去，D装潢摆设好有感觉，令你可以专注食野，令到你觉得系一种享受。我地叫左个川味酸菜鸭汤锅，系好食的，特别是鸭肉，够哂入味，酸菜又同一般米线个D又系唔一样，味蕾大开。跟住个返个酱料，打边炉，几时都要睇个酱料，呢度有劲多款比你拣，感觉同去海底X一样，都系宾至如归比你任拣。我地叫左花雕醉滑牛、手打牛丸、蔬菜拼盘同紫菜炸响铃。先讲花雕醉滑牛，落一落，渌一渌，食一食，牛味酒味出哂来，正。至于个手打牛丸，食落同一般任食既牛丸无得比。牛味好重蔬菜拼盘呢，有唔同既菜，叫左半份姐，都算大份。吸埋个有料汤汁，一流。最后食埋个紫菜炸响铃，渌佢三秒的黄金定律，入口既脆且软的感觉，岩岩好，正。