新泰東南亞餐廳

营业中

休息中

同几个老友去尖沙咀睇完灯饰，大家咁啱都想食泰国菜，即刻谂起尖东有间人气泰国餐厅，于是就过去排队等入座，坐低睇完餐牌之后，大家呢晚拣咗以下菜式:香芒软壳蟹米纸卷米纸卷软滑有韧劲，包住香脆嘅软壳蟹、香甜嘅芒果、软滑嘅牛油果，再加上少许金不换，点埋附上嘅酸辣汁，系一道好清新开胃嘅前菜。烧鲜菠萝菠萝表面烧过更香甜，咬落更爆汁。泰式炸虾饼虾饼炸得金黄唔油腻，质地好弹牙，亦食到虾嘅鲜味，好味。蒜蓉包蒜蓉牛油味道香浓，法包烘得香脆，yummy!泰式干炒河 (鸡肉)河粉炒得好有获气，味道甜甜哋，系正宗泰国口味，加上鸡肉及蔬菜，平衡了腻感，唔错。泰式甜品大拼盘椰青大菜糕 - 大菜糕食落爽口，椰子味香浓，咸咸甜甜几清新。椰汁西米糕 - 椰汁味道浓厚，加上西米、芋头及粟米，增加了口感。千层糕 - 烟烟韧韧既口感，配上斑兰嘅清香，忍唔住食晒成嚿。椰青班戟 - 软糯既口感加上椰丝、椰青肉，面层焗得香口，好特别。芒果糯米饭 - 糯米饭用上黑糯米及白糯米，煮得软硬适中，各有不同口感，再加上芒果及浓稠香甜但带丁点咸香嘅椰汁，真系绝配呀!虽然用餐人潮不断，但店员保持到高水平嘅服务质素，殷勤有礼，值得赞许。