影片
更多
2023-03-20
29 浏览
朋友最近试咗呢间位于尖沙咀嘅胡炉，食完回味无穷，特别约我去食多次。餐厅装潢好有心思，摆设及餐具都好靓。餐厅提供一盘酱料，入面有好多不同酱料选择，大家可以悉随尊便配搭喜爱嘅口味。餐牌入面嘅汤底选择好多，包括有醉八鲜锅，火焰龙虾海鲜锅，鲜椰青鸡锅同胡椒猪肚花胶鸡锅等等，款款都相当吸引。趁天气仲有少少凉，点咗个胡椒猪肚花胶锅试吓先。 胡椒猪肚花胶锅 ($328) - 首先个汤底已经有浓浓胡椒猪肚香味，另提供鸡件及花胶加入汤底。鸡件同花胶分量十足，鸡肉嫩滑，花胶仲系大件厚身。提一提大家，打边炉前可以先饮咗呢个汤先，入口充满胡椒香辣味，非常好味。 胡炉牛拼盆（$398）- 拼盘有多款不同牛嘅部位，包括有极上手切牛颈脊、安格斯手切肥牛、牛舌芯、牛胸爽同霜降牛粒。牛味浓郁，肉质鲜嫩。 紫菜炸响铃（$88） - 呢间餐厅嘅响铃系即叫即炸，入面仲加埋紫菜，难怪入口咁爽脆好味，口感一流，绝对系必食推介。蔬菜拼盘 ($63） - 分量相当多，蔬菜种类有白菜仔，菜心同唐生菜，新鲜好味，食完感觉健康啲。 醉胡炉五宝饺（$128）- 拼盘有黑松露蟹肉饺，韭菜饺，云吞， 鱼皮饺等，只只都大大只，味道唔错。泰式无骨
朋友最近试咗呢间位于尖沙咀嘅胡炉，食完回味无穷，特别约我去食多次。餐厅装潢好有心思，摆设及餐具都好靓。
餐厅提供一盘酱料，入面有好多不同酱料选择，大家可以悉随尊便配搭喜爱嘅口味。
餐牌入面嘅汤底选择好多，包括有醉八鲜锅，火焰龙虾海鲜锅，鲜椰青鸡锅同胡椒猪肚花胶鸡锅等等，款款都相当吸引。趁天气仲有少少凉，点咗个胡椒猪肚花胶锅试吓先。
胡椒猪肚花胶锅 ($328) - 首先个汤底已经有浓浓胡椒猪肚香味，另提供鸡件及花胶加入汤底。鸡件同花胶分量十足，鸡肉嫩滑，花胶仲系大件厚身。
提一提大家，打边炉前可以先饮咗呢个汤先，入口充满胡椒香辣味，非常好味。
胡炉牛拼盆（$398）- 拼盘有多款不同牛嘅部位，包括有极上手切牛颈脊、安格斯手切肥牛、牛舌芯、牛胸爽同霜降牛粒。牛味浓郁，肉质鲜嫩。
紫菜炸响铃（$88） - 呢间餐厅嘅响铃系即叫即炸，入面仲加埋紫菜，难怪入口咁爽脆好味，口感一流，绝对系必食推介。
蔬菜拼盘 ($63） - 分量相当多，蔬菜种类有白菜仔，菜心同唐生菜，新鲜好味，食完感觉健康啲。
醉胡炉五宝饺（$128）- 拼盘有黑松露蟹肉饺，韭菜饺，云吞， 鱼皮饺等，只只都大大只，味道唔错。
泰式无骨凤爪（$78）- 泰式酱带酸酸甜甜，凤爪去骨，入口啖啖肉，好开胃嘅前菜。
餐厅环境别致有风味，各种食材质素都好好，钟意打边炉，对汤底同食物有要求嘅朋友真系要试下，值得推介。
张贴
