影片
更多
2015-02-02
1300 浏览
两个女仔食饭食咩好呢?约左好朋友饭聚,而朋友于佐敦返工. 所以顺理成章就于附近揾野食. 而因为我地两个女仔对食都无咩主见, 所以就上网揾下有咩放题好介绍. (食放题的好处就是最适合有困难选择性的女生)经过一轮后宫佳丽咁挑选, 最终拣左三木日本料理.因为上网睇到餐厅环境还蛮舒服的, 好适合聊天呀!!三木只有两个时间挑选, 第一轮(晚上6:00-8:15PM), 第二轮(晚上8:30-10:45PM)而星期一至三的价钱会稍稍便宜一点, 而我们一早BOOK左星期二晚上第二轮时间进食, 每人HK$238(成人不连加一)当晚入座率只有半成, 所以环境比较安静同舒适首先要先Order刺身吧. 三木的刺身好有水准, 当晚食既刺身好新鲜同大件.而帆立贝更有我两个手指头大, 真的很大粒同鲜味. 而order的甜虾更是巨型到同平时海虾一样大只. 太夸张啦~而另一推介是鱿鱼须, 劲爽脆. 其他三文鱼、八爪鱼、荣螺片等等都好好食. 最紧要有我最爱的北寄贝. Yummy!!之后叫个沙律开开胃番茄沙律同豆腐沙律都不错, 细细一碟. 两个女仔食就岩岩好.另外开始食其他小吃:清酒煮蚬: 无咩味道, 可以不用试牛油粟米
约左好朋友饭聚,而朋友于佐敦返工. 所以顺理成章就于附近揾野食. 而因为我地两个女仔对食都无咩主见, 所以就上网揾下有咩放题好介绍. (食放题的好处就是最适合有困难选择性的女生)经过一轮后宫佳丽咁挑选, 最终拣左三木日本料理.因为上网睇到餐厅环境还蛮舒服的, 好适合聊天呀!!
三木只有两个时间挑选, 第一轮(晚上6:00-8:15PM), 第二轮(晚上8:30-10:45PM)而星期一至三的价钱会稍稍便宜一点, 而我们一早BOOK左星期二晚上第二轮时间进食, 每人HK$238(成人不连加一)当晚入座率只有半成, 所以环境比较安静同舒适
首先要先Order刺身吧. 三木的刺身好有水准, 当晚食既刺身好新鲜同大件.而帆立贝更有我两个手指头大, 真的很大粒同鲜味. 而order的甜虾更是巨型到同平时海虾一样大只. 太夸张啦~
而另一推介是鱿鱼须, 劲爽脆. 其他三文鱼、八爪鱼、荣螺片等等都好好食. 最紧要有我最爱的北寄贝. Yummy!!
之后叫个沙律开开胃番茄沙律同豆腐沙律都不错, 细细一碟. 两个女仔食就岩岩好.
另外开始食其他小吃:清酒煮蚬: 无咩味道, 可以不用试
牛油粟米: 必order的item, 呢个牛油味重. 好食.
香辣鱼饼: 同系泰国铺食到的鱼饼一样, 有好重香茅味,. 配以泰式甜辣酱一齐食. 味道OK
烧八爪鱼丸: 外皮有少少脆, 配以木鱼碎食…好好味!!
我地食到一半先记得叫野饮. 饮品方面以汽水为主, 特别的款式只有Fuze Tea Lemon(右一) Fuze Tea Apple(右二).而汤品方面就超推介呢个黑松露野菌忌廉汤. 因为劲香黑松露味道之余, 切到细细粒的野菌都好有咬口.
而发现三木有日式茶碗蒸蛋, 唔系喥喥地方都有得食.蒸蛋虽然好滑, 但同朋友一致觉得比较咸. 可以不用再试.
热爱火炙寿司既我, 梗系要order一两件试下啦. 4款的火炙寿司(黑松露帆立贝、左口群边、三文鱼腩、海鳗)都系水准之作, 而且每件都系细细., 一啖一件. 可以试多几个款.
因为太好奇咩叫饺子鸡翼, 所以就叫左一件试下. 原来就系拆左骨既鸡翼内里塞满猪肉馅而已. 虽然味道唔错, 不过好腻…下次可以skip左佢.
好多时放题整既蒜香一口牛柳粒都会太硬, 不过呢个就岩岩好. 但就咸左少少.而牛俐都唔韧, 可以re-order一次.
烧物有我喜爱的菠萝同蕃薯仔, 不过菠萝比较酸. 而烧海虾就明显不太新鲜. 肉是散开的. 明太子茄子就一般般啦, 比较干.
因为我同朋友都唔太喜爱食炸物,所以只系叫少少试下. 不推介食蟹忌廉薯饼, 薯饼内面是空心的而且只食到炸粉. 而一口炸芝士都唔错, 其他还可以, 上枱时刚炸起, 所以不会差得去边啦.
虽然已经好饱, 但最后当然要食返个甜品先够完美. 三木的甜品选择算是比较多款, 而且味道不错.北海道3.6牛乳奶冻(左上角) 好浓郁既奶香味, 正. 推介
法式焦糖炖蛋(右上角) 炖蛋整得口感比较实, 不过都系好味
泡芙真系好一般, 可以唔洗试. 而意大利芝士饼好正宗, 食落有惊喜, 而且好香滑.
最后我地一人叫左杯雪糕(豆腐同抹茶味), 三木既雪糕应该系事先装好左连碗一齐去雪. 所以食既时候发现雪糕雪得有点过硬, 要好辛苦先”不”到黎食.
整体我觉得今次放题系水准之作, 除左食物款式选择多, 又新鲜之外. 侍应服务态度良好同工作效率高. 更没有漏单情况出现, 最重要系环境食得舒服. 以呢个价钱同质素,我会选择再光临三木.
张贴
