鬼金棒

营业中

休息中

话说好耐都无食拉面，咁岩今晚约埋同事睇戏，见未够钟咪食埋晚饭先，倾倾下佢介绍附近有间食日式麻辣拉面既铺头，唔讲咁多，即时叫佢带我黎啦～一入铺头发现装修都几有特色，以「恶鬼」为主题等左15分钟左右，今日主角终于出场 - 「特制麻辣味噌拉面」，虽然本身好钟意食辣，但人老左肠胃唔受得， 所以今次只系叫咗中辣， 第一时间当然要试吓汤底， 果然冇令我失望， 入口味增味非常浓郁， 但系又唔觉得好咸， 而且辣到适中(大约系谭仔三小辣程度)， 同埋有少量花椒， 香得来又唔会太抢。 佢地亦用咗较粗嘅面条， 弹牙得来都挂汤， 叉烧方面用左厚切五花腩，虽然唔算话好入味， 但系非常之淋，配合较浓既汤底是ok的， 流心蛋就反而有少许失望，时间火侯仲未够， 有一半蛋白依然系流质状态。总括而言， 其实系几有特色，因为辣嘅拉面系香港唔多，值得一试，只系价钱贵左少少。