YA鴨 (已結業)

一直bookmark咗呢间食鸭肉饭嘅小店，今日终于决定黎食下，但上网睇一睇发现餐牌唔同咗，亦都有人话系转咗手。餐牌简体字已经小小奇怪。两个人叫咗招牌嘅鸭片捞粗同鸭肉捞粗，另咗加咗猪肉肠小食，餐饮加$5有柠檬伯爵茶同冷美式。鸭葱油卤鸭片捞粗，鸭葱油卤鸭肉捞粗其实两款捞粗系大致一样，捞粗底然后面头有鸭肉、卤肉、酸菜同糖心蛋。个面本身已经捞得好够味，偏浓同重口味，捞匀个底都仲有好多汁，如果食得比较清淡嘅话会觉得好咸。另外跟咗一杯清汤。鸭肉果碗，啲肉碎上，份量都多，肉质偏鞋，似系整其他鸭料理用净嘅头头尾尾碎上嘅感觉。鸭同卤肉都好入味。个人几钟意佢加酸菜一齐捞黎食。鸭片果碗，都有10块左右，但偏肥，有几块皮同肉比例一半一半，肉质呢款就腍啲，但睇肉嘅颜色同食落嘅口感就觉得佢未必系慢煮。烤猪肉肠肠就普普通通，甜甜地，但可惜佢唔系真系烤，只系微波炉叮翻热。柠檬伯爵红茶食完浓味嘅捞粗，饮呢杯伯爵茶系几fresh。整体黎讲其实就一般般，鸭肉冇话好好食，捞埋就还好，但呢个价钱都还好，又未到觉得唔值。如果经过我都可能会再食，但如果突登再黎食就未必会。