漁正居酒屋 (已結業)

估唔到咁方便既地方，原來有間隱世居酒屋小店。一入黎環境真係好似去左日本咁，好cozy! 呢到野食種類超多，壽司、魚生、串燒、熟食乜都有！ 樣樣叫少少，真係好滿足！魚生壽司叫左吞拿魚腩，同海膽，兩個都超新鮮肥美！吞拿魚腩油脂超豐富，好香！串燒最好味就係燒白鱔，燒出黎超爽口彈牙！熟食既話個豚肉生薑燒就最印象深刻！因為佢係即炒，拎上黎熱辣辣又超對味！最後食埋烏冬就飽曬！見其他人叫埋酒，如果同三五知己chill返晚都好正！