影片
更多
2023-04-22
1134 浏览
而家虽然愈嚟愈多地方有蚝食，但自从连去自助餐都试过食到肚疴之后，就算几钟意都好，都要揾间有保证嘅先大食特食！今次嚟呢间蚝吧连个名都有个蚝字，每日法国直送🇫🇷，兼即叫即开，咁新鲜，梗系要「蚝」一次！除咗生蚝之外，餐厅仲有由唔同国家直送嘅海鲜，好似今次食嘅北海道活赤贝、车厘蚬，仲有龙虾等，都新鲜到可以当刺身咁食，🤤真系好鬼爽！餐厅虽然唔系好大，黑白格地砖，墙身一幅由不同国家英文名砌成嘅世界地图，配合昏暗嘅灯光，非常有格调。而且餐厅都好注意卫生，餐具都同盒装好，每枱都会有碟畀你放蚝壳，令人更有信心尽情做「蚝」客！店员拎出一盘劲吸睛嘅冰震海鲜拼盘之后，会逐一介绍生蚝嘅食法同次序，唔讲唔知食生蚝都有分 number，0号至6号间，数字愈细就愈大只。味道由淡至浓讲起～🦪Cocollos-No.2 $43淡淡嘅海水味，令鲜味更突出。肉质爽口，丰满厚实。🦪Tia Maraa $44肉质更饱满，更鲜甜，鲜味喺口内蔓延萦绕不散！🦪Masses-No.1 $53海水味道浓郁，肥美饱满，蚝香十足，唔点任何酱汁都好好食！🦪Gillardeau-No.2 $484款中，蚝味同海水味道最重嘅一款。浓郁甘香，肉质绵滑
除咗生蚝之外，餐厅仲有由唔同国家直送嘅海鲜，好似今次食嘅北海道活赤贝、车厘蚬，仲有龙虾等，都新鲜到可以当刺身咁食，🤤真系好鬼爽！
餐厅虽然唔系好大，黑白格地砖，墙身一幅由不同国家英文名砌成嘅世界地图，配合昏暗嘅灯光，非常有格调。而且餐厅都好注意卫生，餐具都同盒装好，每枱都会有碟畀你放蚝壳，令人更有信心尽情做「蚝」客！
店员拎出一盘劲吸睛嘅冰震海鲜拼盘之后，会逐一介绍生蚝嘅食法同次序，唔讲唔知食生蚝都有分 number，0号至6号间，数字愈细就愈大只。味道由淡至浓讲起～
🦪Cocollos-No.2 $43
淡淡嘅海水味，令鲜味更突出。肉质爽口，丰满厚实。
🦪Tia Maraa $44
肉质更饱满，更鲜甜，鲜味喺口内蔓延萦绕不散！
🦪Masses-No.1 $53
海水味道浓郁，肥美饱满，蚝香十足，唔点任何酱汁都好好食！
🦪Gillardeau-No.2 $48
4款中，蚝味同海水味道最重嘅一款。浓郁甘香，肉质绵滑爽口，劲creamy！
车厘蚬 $43
车厘蚬就系加大版嘅蚬，体型超大，肉质丰满厚实，非常爽口，沾埋酱油同日式芥末，鲜味就更突出！
北海道活赤贝 $78
师傅砌到好似花咁，好靓好特别。肉质爽脆、鲜甜醇香，口感非常有弹性！
🦞活龙虾套餐 $788
龙虾刺身
第一次食龙虾刺身，估唔到系咁鲜甜爽口，沾埋 cocktail 汁，鲜味立即 level up，啖啖肉食得好过瘾！
龙虾浓汤
龙虾汤味道浓郁，鲜甜幼滑，仲食到大大嚿龙虾肉。食咗咁多冻嘢，暖下个胃好舒服！
🍝龙虾意粉
面条弹牙之余，挂满龙虾忌廉汁，龙虾钳已经拆好，啖啖肉！而且意粉内嘅龙虾肉都有好多，肉质结实有弹性，劲正！
张贴
