後宮 (已結業)

开完会放工即刻落去尖沙咀happy hour饮返杯，喺附近赫德道见到有间新开嘅火锅店「后宫」，主打多款特色锅底，我同同事一眼就睇中佢个椰子鸡锅，天气咁冻打边炉就最适合不过😌店家原来仲有两间VIP房，可以一边唱K一边打边炉，啱晒成大班朋友chill返晚🎤海南椰子文昌鸡锅必点👍🏻店员会先送上一整只新鲜嘅文昌鸡，文昌鸡皮下脂肪较少，鸡皮口感Q弹，肉质亦比其他鸡更结实，用黎做打边炉汤底最适合，将只鸡加入汤底煲滚后先饮一碗清甜嘅椰子鸡汤，汤底材料非常丰富，加入大量椰肉、枸杞、红枣，滋补又养身😋另外，店员仲会附上一个新鲜嘅椰青，饮完汤之后就可以加入椰青水打边炉，因为呢个汤底特别清甜，更加能够带出火锅配料原有嘅味道五花趾牛肉我地拣咗五花趾，系牛嘅根腱部位，根肉相连，肉质紧致，较脆嫩有嚼劲，脂肪比例相对较少但肉味香浓，放入汤底轻轻渌几下就已经食得，咁高质嘅牛肉配上椰子鸡汤更加能突显牛肉嘅鲜味美国特级梅花猪大大片嘅梅花猪，脂肪比例适中，入口完全唔会觉得肥腻，反而系香而不腻，肉质鲜嫩口感软稔，推介👍🏻鲜虾丸粒粒都圆辘辘大大粒，以手打嘅虾丸非常爽口弹牙，咬落去仲食到啖啖嘅鲜虾肉，味道鲜甜秘制牛肉饺店家特色嘅