牛気 (The ONE)

营业中

休息中

今晚经过尖沙咀，成日都经过牛气，但系都冇试过佢嘅食物，所以就拣咗嚟食，入边主打韩式火锅放题嚟食，最平有$208 Level one，就系普通嘅牛羊猪俾你食。咁我因为冇咩钱，所以就拣咗Level one试试。首先上嚟嘅系牛肩肉，一碟有4块。佢嘅牛肩肉同出边有啲唔同，系大大件。食落去几有口感，但系味道就同出边差唔多，因为始终都系最平嘅牛肉。而经过出边嘅自助区，可以见到有大量唔同嘅韩国食物，韩国公仔面佢有两款，一款系普通一款系加咗芝麻，芝麻𠮶款我攞咗嚟食，感觉几香。而佢哋自助区啲蔬菜全部都系用本地蔬菜。食落都几好味同新鲜。而佢哋嘅熟食都有几款款。包括有咖喱牛腩、韩国辣年糕、汁煮牛肉。又觉得最好味嘅，就系汁煮牛肉，好过出边日式嘅牛丼饭上面啲牛肉，而且临到最尾9:00左右，到佢的员工放饭，佢哋全部都系围住汁煮牛肉去滗嚟食，可以证明呢个系佢哋嘅招牌菜😂😂，整体嚟讲我觉得二百几蚊食到呢个质素算系唔错，当系体验一下同日式唔同嘅韩式火锅放题👍🏿。