真鮨 (已結業)

今日去左尖沙咀食饭，本身想同妈咪食个饭，点知佢上堂上得夜左，我唯有自己系附近食啲野！经过Moshi Moshi，见到一间主打日本菜的餐厅，一个人入去叫小小野试下！叫左几件寿司，分别系蟹棒蟹膏寿司、金目鲷寿司、三文鱼腩鱼子寿司、葱吞拿鱼腩寿司。寿司饭有咬口，味道微酸，我好钟意！蟹棒加蟹膏，味道够浓郁，再烧香非常滋味！金目鲷鱼味突出，最欣赏三文鱼腩够肥美，入口油香重又不会肥腻！葱吞拿鱼蓉入口鱼味香浓油香非常重，加上香葱极是香口，一口一件大大满足！愈食愈滋味，另外加点一个刺身拼盘，鱿鱼青瓜卷、三文鱼、牡丹虾、油甘鱼、北寄贝，刺身新鲜够厚身，入口唔会太重雪藏味，虾肉最爽口爽甜，最钟意油甘鱼鱼香极是重！