影片
更多
2023-11-15
39 浏览
日前女朋友为我庆祝生日，好细心咁book左呢间位于尖沙嘴嘅高级日式厨师发办晚餐（$1680）。餐厅环境同服务都非常好，加上食材非常新鲜，所以当晚嘅用餐体验可以话系一流，好值得向大家推荐以下系我地当晚食嘅食物：前菜系好refreshing嘅静冈番茄配切到丝咁幼嘅水云海藻，再加埋非常鲜甜爽口嘅螺肉。薄切刺身方面，厨师安排左当造嘅伊佐目刺身。呢款刺身鱼味好突出，配合埋白酱油一齐食非常鲜。之后系非常creamy嘅安康鱼肝配酱油渍西瓜，捞埋啲几爽口嘅北海道剥皮鱼刺身一齐食。呢个配搭好新奇，口感同味道都令人一试难忘。下一道系中拖罗他他tart ，唔单止造型吸引，个tart皮松脆嘅口感更加系非常impressive！厨师特别用上「淡雪盐」（即系海水米水嘅结合）黎调味，所以鲜味喺口入面喷发！另一款刺身系我好钟意嘅𫚕鱼刺身，呢款鱼嘅鱼味好浓，口感好滑。食完刺身之后，厨师安排左明石八爪鱼。八爪鱼本身好好味，但估唔到旧白萝卜吸收晒啲精华之后更加鲜甜，好味程度甚至有啲盖过八爪鱼，哈哈！下一道嘅京都鸭可以话系我全餐饭嘅最爱：半生熟嘅鸭肉原来可以咁嫩，而鸭肉嘅鲜甜系我从来无expect过嘅！到寿司嘅部分，首先要赞
以下系我地当晚食嘅食物：
前菜系好refreshing嘅静冈番茄配切到丝咁幼嘅水云海藻，再加埋非常鲜甜爽口嘅螺肉。
薄切刺身方面，厨师安排左当造嘅伊佐目刺身。呢款刺身鱼味好突出，配合埋白酱油一齐食非常鲜。
之后系非常creamy嘅安康鱼肝配酱油渍西瓜，捞埋啲几爽口嘅北海道剥皮鱼刺身一齐食。呢个配搭好新奇，口感同味道都令人一试难忘。
下一道系中拖罗他他tart ，唔单止造型吸引，个tart皮松脆嘅口感更加系非常impressive！厨师特别用上「淡雪盐」（即系海水米水嘅结合）黎调味，所以鲜味喺口入面喷发！
另一款刺身系我好钟意嘅𫚕鱼刺身，呢款鱼嘅鱼味好浓，口感好滑。
食完刺身之后，厨师安排左明石八爪鱼。八爪鱼本身好好味，但估唔到旧白萝卜吸收晒啲精华之后更加鲜甜，好味程度甚至有啲盖过八爪鱼，哈哈！
下一道嘅京都鸭可以话系我全餐饭嘅最爱：半生熟嘅鸭肉原来可以咁嫩，而鸭肉嘅鲜甜系我从来无expect过嘅！
到寿司嘅部分，首先要赞师傅握寿司嘅手势好好。我地当晚食左7款寿司，我特别喜欢嘅系其中嘅四款：石桓鲷寿司，原来呢款鱼系好招积咁食海胆大嘅，唔怪得咁鲜甜啦！至于池鱼寿司估唔到可以食到啲果香，同出面其他地方嘅池鱼好唔同！
酱油渍吞拿寿司卖相一流，师傅将成块紫苏叶最精华嘅部分放上件寿司度，令味道嘅层次再升华左！
北海道赤海胆寿司好新鲜，而且海胆嘅份量好多，绝对系回本之作！
烧物方面，师傅安排左烧焗北海道银鳕鱼，啲鱼肉好滑溜，而且鱼香十足，非常好食。
最后嘅甜品系香印提子配和歌山九条山柿 ，两款水果都十分清甜可口，为呢餐饭作一个完美的收结。
张贴
