影片
更多
2023-05-28
26 浏览
今日嚟到尖沙嘴过一个Chill Chill周六夜，去咗金马伦道嘅呢间Club试下，入面装修好靓，行星球风，完全想象到平时夜场会几咁墟冚好玩！坐低就叫咗两杯嘢（HH时段饮品系买一送一，好抵！），一杯系Erel Grey加Martini嘅Cocktail入口有淡淡茶香，好醒胃，适合慢慢品尝！另一杯则系Fruit Punch Mocktail，热情果味好出，甜甜酸酸咁令人忍唔住一啖接一啖饮落去！当然啲杯都好靓仔，就咁睇都觉得好有Feel今晚超肚饿，就叫咗一大堆烧物试下！呢个经典甲罗烧（$86）十分抵食，系我最推介嘅，蟹肉捞埋啲蛋好夹，热辣辣放入口滋味无穷！而烧日本广岛蚝（$86）就有三只，上面铺满咗蒜同辣椒， 既有蚝嘅鲜味，亦有唔同配料增加口感，格外惹味串烧日本大元贝（$97）都系十分推介的，只元贝真系好大只！新鲜得嚟又烧得啱啱好，加埋上面果大堆蒜，令层次又再升华味醂鸡泡鱼干（$75）分量好多，系我哋食到最尾嘅一碟！一边倾计，一边送酒一流！个酱好香口！呢碟上面就有厚切牛舌串（$75）同京葱豚肉串（$53），牛舌真系好厚，但又入口即溶，牛味都好突出，好似食紧牛柳咁！而豚肉串系五花腩，油脂丰富，
去咗金马伦道嘅呢间Club试下，
入面装修好靓，行星球风，完全想象到平时夜场会几咁墟冚好玩！
坐低就叫咗两杯嘢（HH时段饮品系买一送一，好抵！），一杯系Erel Grey加Martini嘅Cocktail
入口有淡淡茶香，好醒胃，适合慢慢品尝！
另一杯则系Fruit Punch Mocktail，热情果味好出，
甜甜酸酸咁令人忍唔住一啖接一啖饮落去！
当然啲杯都好靓仔，就咁睇都觉得好有Feel
今晚超肚饿，就叫咗一大堆烧物试下！
呢个经典甲罗烧（$86）十分抵食，系我最推介嘅，
蟹肉捞埋啲蛋好夹，热辣辣放入口滋味无穷！
而烧日本广岛蚝（$86）就有三只，上面铺满咗蒜同辣椒，
既有蚝嘅鲜味，亦有唔同配料增加口感，格外惹味
串烧日本大元贝（$97）都系十分推介的，只元贝真系好大只！
新鲜得嚟又烧得啱啱好，加埋上面果大堆蒜，令层次又再升华
味醂鸡泡鱼干（$75）分量好多，系我哋食到最尾嘅一碟！
一边倾计，一边送酒一流！个酱好香口！
呢碟上面就有厚切牛舌串（$75）同京葱豚肉串（$53），
牛舌真系好厚，但又入口即溶，牛味都好突出，好似食紧牛柳咁！
而豚肉串系五花腩，油脂丰富，夹埋葱嚟食又唔会觉得腻口
呢度就有几款串烧，左手面系日本豚肉芦笋卷（$53），
几钟意佢啲豚肉切到薄薄的，包住芦笋就令两种食材个味互相配搭到，令人觉得几新鲜
而右上系盐烧原块鸡皮（$42），鸡皮尚算脆口，系串烧必叫嘅邪恶之选！
隔离系味烧鸡胸脆骨（$42），鸡胸脆骨真系好少食到，系一嚿软骨嚟，
烧汁味道香浓，加上爽脆嘅口感，成个感觉都几特别吓
下面就系汁烧杏鲍菇串（$29），菇身好厚，吸晒啲汁，十分Juicy，好适合肉与肉之间间下场！
最右下就系惹味鸡肾串（$30），切到细细粒，易入口，汁料香浓，好快就清晒！
而呢碟就系芝士大啡菇（$42），又无谂过烧物当中有啲咁西式嘅食法！
啡菇都几大只，芝士好香，而中间夹住嘅系巨量嘅蒜，成件事就系想象以外咁澎湃可口，值得一试！
旁边嘅系只糖原个蕃茄（$42），都系无谂过会咁清甜！加咗焦糖令个蕃茄更加甜、更加香，食完咁多烧物，食返个蕃茄成个感觉好Refreshing！
最后，叫个自家制烧饭团（$53）当然就想食饱个肚啦！但又估唔到佢个烧汁又几香口，配埋其他烧物一齐食，味道就更加丰富
嚟张串烧大晒冷先！
呢间Club气氛好好，食物比想象中做得更精致有心机，值得大家嚟试下呀！
比啲餐牌大家参考下：
张贴
