Club Revel

营业中

休息中

假期前夕想chill下，見到環境幾唔錯，決定去試下😉地方有點隱世，雖然位於尖沙咀，但都可以遠離嘈雜街區，飲杯嘢chill下傾下計。室外非常空曠舒適，秋涼同一班fd傾下計必選。室內適合宜家天氣炎熱，聽下歌氣氛一流。有少量串燒、海鮮、小食提供，飲嘢傾計口痕都可以嗌d食下。特色cocktail 好味打卡都一流用當季時令生果特調cocktail - 荔枝Mojito店員誠意推薦果然零舍不同☺️荔枝非常甜，搭配起Mojito嘅清爽，即刻少佐分炎熱，多佐分清爽香甜荔枝菠蘿Mocktail意想不到地好夾，一d都唔單調雞泡魚乾真係飲酒口痕必備之選😂燒得啱啱好唔會太乾各類燒肉串燒都非常惹味😍燒五花腩簡直無得頂，肥瘦相宜，即刻想飲多杯啤酒🍻

終於到星期五啦！我決定帶女友去酒吧放鬆一下，今次去咗酒吧集中地嘅尖沙咀，經過一輪Openrice搜尋，最後去咗金馬倫道嘅Club Revel。餐廳中間係beer pong枱，每一張枱都放咗唔同嘅行星擺設，餐廳嘅燈光塑造出一個太空夢幻嘅感覺。至於室外風格比較寫意休閒，外牆掛上大screen，梳化旁邊放咗植物，同室內氣氛截然不同。餐廳嘅signature cocktail以恆星命名，非常特別。不過我今次叫咗classic cocktail同mocktail，分別係Negroni同Strawberry Fizz，味道唔會好似藥水，賣相好靚。餐廳都有提供食物，主要以串燒為主，我哋叫咗燒牛胸油、燒雞中翼、燒鴨胸肉同燒牛脷。份量都幾多，燒牛胸油調味係中國孜然粉，味道香辣，肉質煙韌。燒雞翼好香口，外皮香脆。海鮮方面我哋叫咗燒原隻乾魷魚，魷魚充滿炭香，口感比較硬身，估唔到同Wasabi有幾夾。另外燒粟米味道香甜，錫紙焗雜菇賣相同想像中有啲出入，不過味道都唔錯，口感濕潤。整體而言，飲品同食物都係其次，酒吧對我黎講最緊要係氣氛。Club Revel既氣氛認真一流，播放嘅音樂亦好貼近潮流，例如最近出新歌嘅N

今日我同朋友去左尖沙咀嘅Club Revel，真係大開眼界啊！佢哋嘅Happy Hour特長，由5pm至10pm，仲有新裝修嘅店舖，完全係Cyber風格，好有格調㗎！我最鍾意佢哋嘅星球燈飾，好靚呀！🌌首先，呢度嘅氣氛好好，有大螢幕可以唱K，真係俾人哋唱得好high！而且係戶外都有座位開放，適合開派對，俾我哋嘅Happy Hour增添咗好多歡樂氛圍！🎤🎉不得唔講，佢哋嘅特飲真係非常精緻，好適合打卡留影！影相效果真係好靚，我地叫左兩杯特飲，分別係Rum based既芒果西米露同埋highball base 既茉莉花茶味(梅開二度)🍹好啦，我地嚟講吓今晚試嘅食物啦！首先，試咗佢哋嘅翠玉瓜串、焦糖菠蘿、芝士大啡菇、經典甲羅燒、香烤果香牛肋條同埋燒雞中翼等等，個個都係驚喜！特別要提返佢哋嘅厚切牛舌串，牛脷非常厚肉美味，絕對係牛肉控嘅最佳選擇！全部嘅食材都係上等，好鮮美！🍢🍍🍄🦀🍖🍗除咗以上嘅，餐廳仲比左杯shot 威士忌我地試, 係由黑椒粒牛肉乾，牛油釀成， 好似食牛肉咁總括而言，Club Revel係一個非常推薦嘅地方！點餐非常多選擇，無論你鍾唔鍾意串燒，都可以滿足到你嘅味蕾！氣氛好、飲品精緻

位於市中心-TST 的一家餐廳酒吧提供唔同送酒既菜式和特調飲品特調cocktail & 特調mocktail兩種飲品的味道都唔錯，諗唔到飲咩可見bartender 特調一杯，而佢幫我地調既顏色系跟番我地枱上面既燈，即刻有feel 咗好多唔知係故意定系咁啱🤭我地點左燒牛舌、鵝肝多士、焗雜菇和燒鴨胸。燒牛舌的口感唔錯；鵝肝多士大小差不多。焗雜菇入味；燒鴨胸總的來說，這些菜餚的味道和質量都還可以，但略嫌唔夠熱。餐廳酒吧的氛圍&服務。裝潢都很不錯，有埋室外，冬天室內外/book場開party 都有feel適合一大班朋友仔黎chill中間有個卡啦ok mon ， 可以飲住酒唱K不過都有DJ枱，唔知會唔會有DJ呢遲啲👍🏻可以期待

This restaurant is definitely worth a visit when you are going to have a happy Friday nightStarting with the drinks, the vodka and grapefruit juice cocktail was absolutely refreshing. The perfect blend of vodka and grapefruit juice made this cocktail a great choice for those who love a tang andy fruity drinkThe Peach mocktail was also a great option for those who prefer non-alcoholic beverages. It was sweet and had a lovely peach flavorGrilled Foie Gras Toast was a standout dish. The foie gras w

今日約咗朋友去尖沙咀飲杯嘢,係金馬倫道搵到間餐廳酒吧氣氛真係好好。Club Revel , 上到餐廳酒吧環境氣氛非常好,裝修到disco一樣,好Cyber ,最啱我呢啲鍾意飲酒聽歌嘅人。餐廳有一大個電視熒幕,好適合唱歌搞派對。喺度坐低傾偈飲嘢感覺真係好舒適放鬆。士多啤梨藍莓cocktail , 果味好香濃,入口味道清新,甜甜地好易入口。食物方便做點咗鵝肝多士,鵝肝煎到啱啱好,用多士夾住嚟食減低油膩感,鵝肝入口口感幼滑,油脂豐富,入口即化。食完件多士飲一啖cocktail真係好正。燒青魚,淋上少少檸檬汁,鹹中帶酸又開胃又好味,青魚皮煎到脆卜卜特別香口,魚肉仲係好結實食落去魚味香濃。燒厚切牛舌, 牛肉味香濃,牛舌肉質嫩滑,加咗少少芝麻,令味道更有層次,牛舌夠厚咬落去好有口感。

今日收工想去食少少嘢放鬆下,同事帶咗我去一間好特別嘅餐廳酒吧,Club Revel ,地址喺尖沙咀金馬倫道26號金壘商業中心4樓。上到去餐廳地方好闊落,裝修得好有格調好有氣氛,仲有dj打碟,好適合我呢啲鍾意飲酒食嘢嘅人士,估唔到仲有戶外嘅環境,氣氛同室內截然不同,地方空曠非常舒適。燒多春魚,多春魚燒到金黃色,魚皮脆卜卜,食落去好香口好惹味,咬落去啲魚春仲好juicy,用嚟送酒真係一流。燒鵝肝多士, 鵝肝份量好多,食落去熱辣辣鵝肝入口即溶,香味獨特,多士吸收咗鵝肝嘅獨特香味,食到舐舐脷。燒魷魚,燒魷魚味道好香夠乾身,魷魚味香濃。燒牛肋條,食落去牛肉味好香濃,牛肉肉質嫩滑,最正就係啲邊位有少少焦香,味道更加有層次。燒五花腩,五花腩肥瘦均勻,燒到啲油脂出曬嚟,特別香口惹味。點咗兩杯cocktail,味道酸酸甜甜好易入口,好適合女仔飲。

新開張沒多久座落尖沙咀金馬倫道的樓上酒吧，室內設計得很cyber，繽紛的燈光效果讓人感覺像置身於太空一般，室外亦很有氣氛情調，周邊包圍着一些植物營造舒適的環境。酒吧入面除了設有VIP房間可以同朋友在包房裏唱卡拉OK，中央位置設有獨立沙發卡位，餐桌更是以不同的顏色營造燈光效果，還會不定時有DJ駐場。食物主要提供串燒小食，也有一些酒吧的特色Cocktail及Mocktail，另外也有提供一些玩樂設施，將客人可以玩搖骰子飲啤酒。下班時間，同朋友happy hour 相聚一刻，背景音樂主要以韓國流行曲及英文音樂為主，非常受年輕人歡迎✨燒雞軟骨煙韌有咬勁，外面撒上了鹽巴，令味道更加惹味！鹽燒多春魚想不到份量也算多，入口咬下去多春魚的魚子飽滿的充斥着嘴巴，讓人忍不住一口接一口。鹽燒秋刀魚這一條秋刀魚我覺得略帶苦澀，不過外皮烤得相當香脆，肉質亦保持了適當的肉汁。燒雞泡魚乾比一般的雞泡魚干厚實，入口甜中帶魚香，也是有肉乾的質感，配合埋沙律醬令味道相輔相成🥰燒雞腎爽脆充滿口感的雞腎，入口相當彈牙柔軟。燒五花腩肉口感有點像吃甜甜的肉乾，感覺很適合配着特飲一起品嚐。燒鵝肝多士與其說是多士，不如說是鵝肝三文治

Club Revel (尖沙咀) - 新裝修非常Cyber 有格調club尖沙咀金馬倫道26-28號金壘商業中心4樓今日同朋友去左呢間新開既club HappyHour~~呢度happy hour時段 特長 5pm-10pm店舖係新裝修 非常Cyber 有格調我最鍾意佢個星球燈飾 好靚呀～～店舖有大螢幕 可以唱K 🎶🎵🎙️戶外都有座位開放 適合開派對 而且店鋪內特飲都非常精緻 適合打卡 無論係影食物定影相出來嘅效果都好靚 食材嘅質素係上等👍🏻 飲品非常多選擇店家特制香橙柚子cocktail $128-由店家特制 餐牌上面未有嘅🫢味道好清新 可以嘗試先一層層咁樣飲用試咗唔同嘅味道再溝勻佢 別有一番風味 Oreo Oreo mocktail $78-味道都好濃郁 如果女士們怕醉就可以揀呢個我地點了店內的串燒小食 做晚餐最好食係鵝肝多士 - 鵝肝肥美 而多士亦非常鬆脆，其次 雪花牛柳粒 係有好好香濃嘅牛味 食落就知道係高級牛，雞軟骨好鬆脆 ，韭菜既調味亦非常恰到好處👍🏻牛脷非常厚肉美味！呢幾樣係真係好好食！推介PS: Club內環境非常好，係好好嘅享受！

今日難得早放，就緊係要去下happyhour 啦，今次就揀左位於尖沙咀嘅club revel!餐廳以星空做主題嘅酒吧餐廳，主打飲酒食串燒！一入到去已經好有feel，而且佢有outdoor位坐今次我地叫左2杯飲同幾樣串燒食1. cocktail - Earl Gray Martini呢杯Earl Gray Martini係一款好特別嘅cocktail 。首先，佢有一種獨特嘅味道，帶有茶葉嘅味道，同時仲有啲微妙嘅雲喱拿甜味。呢種味道好特別，令人唔覺唔覺咁會飲多幾啖，而且酒味都幾足。如果飲開cocktail 而又想飲濃少少嘅朋友仔，依款酒就岩晒啦😆2. mocktail -柚子橙梳打呢杯柚子橙梳打係一款好清新嘅飲品。佢帶有柑橘類水果嘅味道，同時仲有啲微妙嘅氣泡感，好啱夏天飲。飲落感覺非常之清爽。除咗咁，佢嘅外觀亦好靚，睇落好有氣質3. 燒原隻乾魷魚帶有啲微妙嘅魷魚香氣，同時仲有啲微妙嘅燒烤香氣。佢嘅口感幾好，好有韌性，咀嚼落去好過癮。點左芥末豉油一齊食，好正，味道非常之夾😋4. 燒雞中翼佢嘅外觀好靚，睇落好有食慾。雞皮燒到脆脆地，入面肉質又夠晒嫰滑又有汁，正呀5. 燒雞心佢嘅味道好獨特，帶有

同朋友輕鬆下食串燒就啱曬，我個人幾中意個環境好有feel，而且選曲幾有品味全部都係我啱聽😂食物佢地主打串燒同特式雞尾酒等，唔洗擔心飲品餐牌總會有款啱你，仲可以同佢地講多酒精多甜，吧台設計靚靚，一入門口就睇到好吸引客人，有種夢幻感覺，鹽燒雞翼同雞軟骨都落左啲孜然粉同少少辣粉去燒，所以格外惹味，最中意就係食鹽燒，雞翼啖啖肉，燒到雞皮微脆入口一流，雞軟骨就十分爽脆，鹽燒加啲檸檬汁調味，好味道，第一次食雞煙鴨胸，外皮脂肪感較厚，口感較豐滿，原來煙鴨胸餸酒係幾夾得來，鹹鹹地中和返酒精澀味，海鮮我哋㨂左多春魚，廚師手藝好，真係原條上枱完全無爛，平時我哋自己燒親都爛開lol，韮菜呢啲基本野一定要叫，最最最重點必定要食鵝肝多士！因為真係好好味！我地總共叫左兩碟八件，真係會食唔停口，即叫即煎，最愛食鵝肝嗰隻油膩感，性價比極高！飲品就點左Mojito同特色cocktail：the sun，裏面有vodka, chambord,peach, schnapps同pineapple juice，而我就點左Shirley temple，因為中意佢味道偏甜易入口，有Grenadine , lime juice, s

有情調•bar•星空🌃Club Revel星期六最好就係去飲野hea 到嘅情景好昏暗，中間有個好大嘅LED，亦都有出邊露天嘅位置，有唔同嘅梳化、房，都幾大叫左一杯🥃荔枝mojito，連粒茘枝都係浸過rum 另外一杯叫左mock tail @荔枝蜜，有好大隻香茅，用兩支飲管雙管齊下好清新飲野玩大話骰，當然要食下串燒·鹽燒雪花牛肉粒·燒牛脷·燒雞翼·燒多春魚·燒秋刀魚·燒芝士豆腐·燒鵝肝多士·錫紙焗雜菇輕鬆既晚上🌃

Club Revel 係一間好有情調嘅餐廳，bar & restaurant fusion 既有燒物 cocktail，又有 outdoor area chill下，裝修都幾有氣氛。飲品方面相當唔錯，一杯mocktail 好似熱情果汁咁比較甜身，另外一杯whisky 做底都好容易入口。燒物方面，首先係燒豬頸肉。呢道菜係豬頸肉經過炭燒後再經過特殊調味而成，佢嘅肉質鮮嫩多汁，肥瘦適中，入口即溶，令人回味無窮。跟住係甲羅燒，蟹子同埋鵪鶉蛋撈埋配多士真係超正，令人一咬就感受到海鮮嘅鮮甜。燒雞肝係另一款必嚐嘅美食，烤過嘅雞肝肉質軟嫩，味道甘香，嗰種雞油味令人食到停唔到口😋牛舌同肥牛金菇都好好食，牛舌肥牛肉質肥美，牛油好香肉質嫩滑，金菇清新爽口，吸左啲牛油味超正，呢個配搭真係毫無破綻！燒菠蘿甜甜地，燒過嘅菠蘿口感爽甜juicy，又唔會好似鮮菠蘿咁食到條利好「鞋」。最後係燒雞翼，所謂燒雞翼我鐘意食，咁經典嘅燒物絕不能錯過！外皮烤得酥脆，內裡香嫩多汁，係一道美味的下酒菜。總括嚟講，Club Revel嘅燒烤菜品質素極高，種類繁多，令人食到欲罷不能。如果您鐘意燒烤，我強烈推薦您到Club Revel品嚐

Tue 20th Jun 2023喺尖沙咀大街嘅隱蔽club house。記住喺4樓。同一棟大廈，其他嘅樓層應該更加隱蔽。Revel 嘅優勢，係佢有個平台。令到呢間 club 動靜皆宜，有地方俾大家 ”let’s have some fresh air” 。呢度一定係越夜越精彩。每張枱都配以唔同星球嘅枱燈，配合返佢啲Cocktail。好有心思，有mood。兩杯唔記得咗係乜乜cocktail。不過呢啲地方我諗你隨口噏 乜乜 meeting on the beach 佢都溝到俾你。煎鵝肝多士，好足料，煎得好好外脆內軟。燒牛脷，雖然薄咗少少，但係一樣燒到又Juice又香口。其他濕濕碎碎嘅串燒，surprisingly 都幾好食。喺呢啲地方算係交足功課。呢個魷魚鬚係好味嘅。不過如果上嚟溝女就唔好叫佢啦。食完成口海鮮味，仲有呀，嚼完，打茄輪都冇力啊。。

今日難得朋友無啦啦話想約我飲野吹水，一收工即刻飛出去尖沙咀睇下佢有咩搞作。今日佢帶左我黎呢間新開既club revel，一入到去成個feel出晒黎，一睇就知係飲野既地方，燈光設計得好靚，用左space做主題，連台燈都係用左星球形狀除左in door，出面坐都勁靚，梳化勁靚坐得好舒服，不過而家夏天無咩事我都係入返去先Signature cocktail亦係用九大行星命名，好得意呢杯係rum based既芒果西米露，設計得勁靚勁有心機，唔係求其將幾隻酒溝埋一齊做mixed drink就話係signature cocktail，飲落真係好似西米露咁，甜甜地唔會好重酒精味，後勁有少少rum既香味，唔錯朋友呢杯係vodka加啤酒做底，加左蘋果蓉落去，飲落似益力多，但完全係無加益力多落去，淨係聽都知道落左好多功夫先整到一杯，呢到啲酒真係一流野食方面有唔同串燒同小食，燒牛柳牛舌呢啲配酒一流。最值一提反而係呢個花雕酒鵪鶉蛋，勁入味但又唔會覺得好藥酒味，岩岩好。無論係黎呢到想同朋友劈酒定係想飲一兩杯cocktail，呢到都值得一黎！