好媽媽台灣館 (已結業)

记得上次经过嘅时候，排晒长龙，今次经过总算碰到唔多人嘅一日，一于入去试一试。麻油鸡乌龙面鸡系大大件，份量也不少，食落觉得好滑。加咗麻油之后，令成个汤底更加好味。而面煮得刚刚好，唔会太硬。另外仲有椰菜，感觉更加健康。不过个人觉得落咗太多姜，或多或少姜嘅味道过于重。蚵仔大肠面线面线应该算系台湾其中一款有名食物，呢度嘅面线好有台湾嘅感觉。每只蚵仔都几大只，不过大肠嘅份量略嫌少左d，同埋成碗面线有少少咸。三杯鸡髀菇系台湾夜市已经好钟意食菇，见呢度有叫左个小食。煮嘅时间刚刚好，而菇亦都好入味，不过都系略嫌有少少咸。(厨师今日重手左？)另外加多22有多一款小食同饮品，叫左卤水豆腐同 。可惜卤水豆腐唔入味，属于失败之作。饮品就系百香果红茶，叫左少甜，百香果已经搅烂溶于红茶中，都算系食物嘅唔错配搭。