影片
更多
2019-10-27
32 浏览
星期六晚要去石门饮，所以出左去好日都唔黎既沙田食lunch。本身想食穴，但系原来沙田呢间星期六系无lunch set，唔太抵所以就周围睇下有乜其他野食。最后见到呢间唔洗等位，价钱又唔算贵，所以就拣左呢间西餐厅食。我地两个人叫两个餐share，拣左一个汉堡，一个烟三文鱼卡邦尼意粉。先系餐汤，沙律同餐包。当日既忌廉蘑菇汤做得十分好，唔系罐头汤，有好多蘑菇粒，好浓。沙律普通正常，餐包都系出色既，够新鲜，软熟同埋暖。呢个苹果木烟三文鱼配卡邦尼意粉好评。意粉酱汁够浓郁，芝士味足够，而且有唔少蘑菇同烟肉粒。而且烟三文鱼够新鲜，完全唔会出水，个阵木既烟熏味都几重，又唔会太咸，好食。跟住系汉堡。呢个ok啦！牛肉煮得刚刚好，唔会太熟，但呢个牛肉本身无乜汁，唔够香肉味。而且无酸瓜无酱汁，太寡啦！但系汉堡入面夹左烟肉补救，所以还可以啦。我觉得呢间餐厅无乜特别，都唔会突登黎食。最好既地方就系𩠌菜黎得好快，坐低点左菜无耐已经有得食。
最后见到呢间唔洗等位，价钱又唔算贵，所以就拣左呢间西餐厅食。我地两个人叫两个餐share，拣左一个汉堡，一个烟三文鱼卡邦尼意粉。
先系餐汤，沙律同餐包。当日既忌廉蘑菇汤做得十分好，唔系罐头汤，有好多蘑菇粒，好浓。沙律普通正常，餐包都系出色既，够新鲜，软熟同埋暖。
呢个苹果木烟三文鱼配卡邦尼意粉好评。意粉酱汁够浓郁，芝士味足够，而且有唔少蘑菇同烟肉粒。而且烟三文鱼够新鲜，完全唔会出水，个阵木既烟熏味都几重，又唔会太咸，好食。
跟住系汉堡。呢个ok啦！牛肉煮得刚刚好，唔会太熟，但呢个牛肉本身无乜汁，唔够香肉味。而且无酸瓜无酱汁，太寡啦！但系汉堡入面夹左烟肉补救，所以还可以啦。
我觉得呢间餐厅无乜特别，都唔会突登黎食。最好既地方就系𩠌菜黎得好快，坐低点左菜无耐已经有得食。
张贴
