尚鮮海鮮料理 (已結業)

而家呢个年代冬天越黎越短，难得上个月圣诞节之后冻左几日，之后都系一直17-21度咁，都唔知今年仲会唔会再冻。所以趁又热返之前，想打多几次边炉应下个冬天 (虽然而家夏天都系照咁打🤪)而家在铜锣湾的楼上火锅店都有唔少，同事就介绍左呢间尚鲜，佢话野食新鲜同埋靓不在话下，最重要系有好多二人卡位仲有独立电视，讲到咁浮夸，所以今日就同女友黎左试下晚饭。好彩一早book定枱同埋都早到，所以仲坐到有电视既卡位✌🏼虽然多数商厦入面既食肆都唔会话好大，但呢间搅位搅得好，每张枱都坐得舒舒服服。先叫左两个小食，狮子狗鱼旦本来我麻麻的，估唔到佢入面有啲芝士，又热左融融地咁，令到个质感好好，唔似平时𠮶啲咁干身！另外就叫左openrice好多人推介既百花酿油条，果然香口得黎唔油，个虾滑好香又弹牙，配个油炸鬼脆口，好食！我觉得点一点麻辣汤仲惹味，不过就咁食点佢既酸甜酱都好正😋汤底我地叫左鸳鸯汤底，血池麻辣同秘制传统土乡材料就叫左特尚手切牛(中)，烫数秒就食得，好嫩滑！同埋好有牛肉味！另外仲叫左盘海鲜尚盛(二人)，好新鲜，有广岛蚝，白鳝片，海虾，大花甲同圣子皇。