悅木 (已結業)

今晚去过两间餐厅，都因为唔同原因无食到走咗，最后去到呢间悦木。两个细食嘅嘢叫咗一个小食拼盘同沙嗲牛肉河。等咗阵，小食拼盘送到，我哋由自己唔钟意嘅嘢食食起...我嘅选择系：蒸粉包 - 蟹肉金砖 - 春卷 - 虾片猪肉，但食完之后真系要重新排过：最好味系蒸粉包 - 虾片猪肉 - 春卷 - 蟹肉金砖。原来蒸粉包系最好味，皮薄馅多，仲有香叶味，非常好味。而虾片猪肉因为留到最后先食，所以虾片已经＂淋＂咗，但依然好惹味；春卷有用生菜包住食，但无咩味道，比普通嘅春卷仲要普通；蟹肉金砖...无话可说，如果唔系睇番个餐牌，根本唔知系蟹肉，颜色味道卖相完全同蟹拉唔上关系。另外仲食咗沙嗲牛肉河，OK，只系汤面比较多油。