小籠家族 (已結業)

返工日日都带饭，今日就和同事两个出去撑枱脚。我地就拣咗呢间上海菜，。两个人叫咗三样嘢外婆红烧肉，火腿扒津白，上海炒年糕，但后尾想试下个豆沙锅饼，又加多一样。外婆红烧肉，肉质松软，酱汁浓郁，配料仲有好多香菇，香菇都煮得好入味。我地一开始无叫饭，但呢个真系太𩠌饭啦，于是我地就叫1碗白饭share。火腿扒津白，之前系上海餐厅食过浓汤浸津白，真系难食到罢食，不过呢间加咗啲火腿，汤底又唔会好似上次咁油多又无味。会有啲清甜，搭配火腿一齐食更加添了一些咸香。上海炒年糕，好耐无食过年糕，好怀念炒年糕嘅烟韧口感。年糕都整得唔错，口感适中，仲有搭配好多肉丝，青菜和菇，食落口感丰富又唔会觉得腻。豆沙锅饼：饭后甜品，饼皮薄脆，内馅丰富，表皮仲有啲椰丝碎，食落几好味，我地一人食一块打包返佢比啲同事食。