臻一鮨 (已結業)

去左尖沙咀同朋友行街，见到重庆大厦开左个新既地下商场，入面有唔少餐厅，见到呢间日本野岩岩新开，紧系要去尝鲜。餐厅有好多吧位同卡位，坐得都几舒服。盐烧油甘鱼鲛 $128油甘鱼烧得好香脆，而且唔会好干身，食完啖啖都系油香味，又唔会死咸，仲系大大件，几抵食。特上寿司盛(八贯) $228寿司盛分别有吞拿鱼，三文鱼，油甘鱼，八爪鱼，赤虾，北寄贝，帆立贝同马刀贝，基本上每一样都好新鲜，而且每块刺身都系好厚身唔会太薄，八件已经好够食。炸鱿鱼须 $48鱿鱼须炸得好香脆，调味都好适中，口感亦都好弹牙，佐酒一流。炸芝士年糕(4粒) $48呢个年糕炸得好好，佢个外层松脆得黎又唔会太薄，年糕好烟韧，入面既流心芝士好香，超级好食。