來多碗車仔麵 (上海街)

营业中

休息中

车仔面由细食到大，但唔知几时开始变左高档野，野食仲要越黎越唔似样，所以有好一段时间都唔想食。 今日经过上海街，见冻冻地就好挂住呢阵味，黎到呢间来多碗车仔面，就入黎食啦。其实有时候食车仔面仲正过打边炉，钟意落咩𩠌都得，有菜又有面，汤底又正，真系好正。呢度既价钱都好大众化，每个𩠌最贵都系$15, 大大碗都系一百蚊左右，真系抵到烂。一行到门口就会问食咩面，点好再揾位坐，好地道。因为冻冻地有啲饿就想叫多啲，就叫左牛筋，糖心蛋，生菜，白萝白，墨丸，麻辣鸡肾，狮子狗，芝士肠，猪红，跟米粉。 哈哈，超满足。卤水汤底超好味，白萝白系车仔面既灵魂，好甜，糖心蛋都好juice, 麻辣鸡臂够野味，猪红都好够味。 最正系佢啲𩠌够大件又足料，唔会话叫多左就比少啲，每个𩠌都好啱味，真系好难得，去边度揾。要话吸引外来人食香港野，呢间车仔面真系食得过。