魔膳廚房 (已結業)

近APM而唔洗搭䢂、唔洗点等位、价钱合理又好味嘅餐厅，都无乜几间。呢间嘢地方够大，坐位宽松，招呼够好，嘢食又唔差，所以连午餐都要嚟帮衬吓！每次嚟到，最钟意佢个热辣辣面包，松软又够香，加埋个成日转嘅汤，饿到傻都即刻比佢征服。今日试咗个冬阴公海鲜意粉，冬阴公未够泰式咁正宗，但都够香、够味，意粉软硬度适中又唔干，唔错。另外叫咗个猪扒意粉，肉唔硬够淋，保持水准。上菜速度都好快，唔会等到天荒地老至有得食。跟餐饮品同平时散叫一样咁大杯同抵饮，咖啡仲系即磨，唔会因为午餐变咗细杯或者将货就价。埋单速度都好快，啱晒我哋食饱要返公司交人嘅打工仔。