維港灣餃子坊 (已結業)

几条友唔觉意经过呢间新嘅饺子店(招牌还是用红纸贴住)，见门口包紧饺子嘅人好用心，虽然唔肚饿，都忍唔住想试下，入内见到「想饺就饺」四个字，顶…真系畀佢讲仲晒！落单叫咗个最传统既芹菜饺子，奇奇怪怪咁，同其他饺子店唔同，仲要拣汤底，虫草花汤底同埋猪骨汤底。另外亦 Ordered 鸡翼、鲮鱼球、薯波。等食之余，开始留意店内装修，唔知出自边个人手笔，咁鬼死有创意：肚饿想饺就饺，想了就饺饺，食完下次就想饺饺！芹菜饺配虫草花汤底，味道相对地清淡健康，唔似有加味精。七只饺子中，只只都有D唔同样，仲有一只裂开口，肯定唔系机器冲手工，值得加分。炸鸡翼就肯定由生炸到熟， 唔似大型连锁快餐，煮一半炸一半，又或者买唔晒返炸，因为我今次系食到会流汁既鸡翼。鲮鱼球好香够弹牙，可惜蚬介汁唔系入过雪柜的，如果唔系，热辣辣配上冻冰冰，真系想死。薯仔球就好甘香，可以乜都唔使点。 埋单时呀靓女先讲：七色饺系佢哋呢度嘅招牌。 应承妳，下次试！