影片
更多
2018-03-14
71 浏览
今天妈咪有啲野要做赶唔切煮饭，然后佢打俾我问我不如一齐出去食个晚餐。左谂右谂，对于电车路一带嘅餐厅已经食到有点厌闷，不如向上发展？平时嘅星期六日我会嚟到呢附近嘅一间咖啡厅饮咖啡，然后做好𠮶个星期未做嘅工作。之前行过已经对呢一间一碗小面有兴趣。但每次上到黎都会好饱，今日呢个晚上我决定同妈咪一齐上嚟呢度食个快闪晚餐。呢排喉咙有啲痛点左个洛神花冰粉特饮，好钟意冰粉，觉得口感好不错！配上洛神花酸酸甜甜，解辣又够清新。帮妈妈点左鸡丝伴面，价格都系讲紧四十零蚊，因为妈妈唔食得辣所以呢点菜方面一定要注意啦，好在呢度唔少嘅食物都可以选择辣或者唔辣。鸡丝伴面分量十足有麻酱啦，萝卜丝，青瓜丝以及丰富嘅鸡丝。拌面唔会太淋，有点口感，麻酱香浓美味，分量超多。小菜方面点左一个我妈妈永远都唔会响屋企煮嘅鱼香茄子，当然啦，呢啲要炸完之后再炒嘅嘢，佢系应付唔到嘅。所以出街食呢就一定会食一啲佢煮唔到嘅嘢食。鱼香茄子你到嘅时候镬气好香，同楼下新超记完全冇得比。然后妈妈就不停话。唉点解我地要着电车路附近啊。。。点解我地附近𠮶啲茶餐厅或者餐厅咁难食嫁。。。点解好食嘅嘢要行上山啊。。。。望住我妈妈嘅10万个为什么，我都笑左一下
平时嘅星期六日我会嚟到呢附近嘅一间咖啡厅饮咖啡，然后做好𠮶个星期未做嘅工作。之前行过已经对呢一间一碗小面有兴趣。但每次上到黎都会好饱，今日呢个晚上我决定同妈咪一齐上嚟呢度食个快闪晚餐。
呢排喉咙有啲痛点左个洛神花冰粉特饮，好钟意冰粉，觉得口感好不错！配上洛神花酸酸甜甜，解辣又够清新。
帮妈妈点左鸡丝伴面，价格都系讲紧四十零蚊，因为妈妈唔食得辣所以呢点菜方面一定要注意啦，好在呢度唔少嘅食物都可以选择辣或者唔辣。鸡丝伴面分量十足有麻酱啦，萝卜丝，青瓜丝以及丰富嘅鸡丝。
拌面唔会太淋，有点口感，麻酱香浓美味，分量超多。
小菜方面点左一个我妈妈永远都唔会响屋企煮嘅鱼香茄子，当然啦，呢啲要炸完之后再炒嘅嘢，佢系应付唔到嘅。所以出街食呢就一定会食一啲佢煮唔到嘅嘢食。
鱼香茄子你到嘅时候镬气好香，同楼下新超记完全冇得比。然后妈妈就不停话。唉点解我地要着电车路附近啊。。。点解我地附近𠮶啲茶餐厅或者餐厅咁难食嫁。。。点解好食嘅嘢要行上山啊。。。。
望住我妈妈嘅10万个为什么，我都笑左一下。
的确相比德辅道西皇后大道西附近，呢一度嘅鱼香茄子无论达达定系质素都高好多。小菜一碟先至系讲紧60，山脚一个冇镬气嘅炒饭已经60啦！
我自己呢就点左一个酸辣粉，见到嘅时候。。呢个系咪两个人份量嚟㗎？？无论肉碎花生等等全部都足料得很。
美中不足呢就系比较唔喜欢将菜放埋系一啲有辣油嘅食物里边。但整个粉嘅汤底配菜以及面质都好好。
饱饱的一餐两个人先埋单＄200。然后我好想同妈妈讲系呀唔单止食物好食又平过电车路。。。连啲楼都平过同靓过电车路㗎。。。楼龄又细d, size 又大D 食物又多D ... 不过两位老人家点样行到呢条斜路呢？？
张贴
