松記燒鵝飯店

营业中

休息中

就系为咗只烧鹅所以专登黎，虽然只得5大1细，其中两个大人仲要系老人家，不过订位时已留定一只烧鹅，因为一场黎到就梗系去尽啦。一坐低老板就问齐人未，齐人就斩烧鹅，只烧鹅黎到嘅时候竟然系热辣辣，味道即刻加晒分。只烧鹅都几大只，又唔算好肥，D皮烧得又香又脆，点埋酸梅酱食真系好好味。因为想食晒只烧鹅唔打包返屋企，所以我地另外只叫了两个𩠌，一个系佢地厨师推介的脆炸牛筋腩，另外一碟就系姜汁炒芥兰。脆炸牛筋腩其实就系牛筋腩占上薄薄一层粉浆再落镬炸，味道同口感还可以啦。姜汁炒芥兰嘅芥兰虽然好粗，但系又好淋，两个老人家都食到。