松記糖水店

营业中

休息中

其实我都食过几次，不过实在太远啦。最近都要出荃湾，前排先知道松记开到黎元朗，见有时间就过黎食餐甜品吧。由于时间尚早，所以人流唔算太旺。芦荟清凉爽由三种特别既材料整既甜品，有几特别？因为除左芦荟之外，其他既甜品我都唔知系咩黎。不过食落有几有咬口，口感唔错既。为左提升口感，加上左咖啡奶。令个甜品更好食。奶皇汤圆另一个几好食既甜品，几乎次次都会食既。奶皇汤圆既皮都唔算太厚，食落好有咬口。而且汤圆馅好香，香而不甜。再配上驱寒既姜汁，就算再几冻，食完都会有种暖笠笠既感觉。CK酥又一得意既甜品，上面有个红豆雪糕。而下面就有层脆饼，脆饼之下就有水果。食落有几种口感，创意非常。不过，用雪糕同脆饼一齐食。个味道系最夹既，不过食完真系有滞。但我觉得呢个甜品系最特别，最得意既。呢餐甜品都几好，价钱又算大众化。而且选择都几多，实有翻兜既机会。