鴻星中菜 (MOKO新世紀廣場)

营业中

休息中

走到新世纪广场已中午一点九，想饮杯茶吃个包， 就上6楼鸿星酒楼，早巳大排长龙等入座，我即刻取飞等候，职员告知派发的飞系两点下午茶时段，多等10分钟已可入座。最后未够两点已安排入座，过程流畅，虽然人多但唔混乱。鱼汤浸白菜 ，鱼汤呈奶白色， 鱼汤味鲜甜而且白菜都浸得好入味。点心拼盘有虾饺、烧卖、蟹肉饺、潮州粉果各二，满足到款款都试下既心态，虾饺弹牙但唔大只， 其余都不过不失。 叉烧肠粉， 皮略嫌唔够薄，但叉烧入味，尚算合格。 烧味三款，烧肉皮脆，叉烧三肥七瘦但都冧，淆肉酒味香浓，三款都做得不错。虾多士，这款怀旧点心已好少洒楼有做，多士做得香脆松化，虾胶足料。