影片
更多
2021-08-30
1409 浏览
其实好耐之前食过一次，即疫情前，觉得都算OK，但未之于想成日黎食。后来疫情后就多左黎帮衬，品质好似有改善左，而且多左好多人添呀（不过个场都唔系大），所以如果周末冇订台的话，就比较难食到。我知道周末就一定多人所以一早6点就黎睇下有冇位，侍应话净得Bar台available，咁冇所谓啦，照食可也。幸运地，侍应后来通知有张2人台可以安排我地坐，所以就可以转（我地唔系西客，冇要求转嫁，冇俾面色嫁，好似侍应话个订台客比较晏先黎到）。我地叫左2人餐刺身盘有生蚝4只；红虾2只2样都好新鲜，特别系红虾，估唔到同牡丹虾有得挥，2只真系唔多够喉。头盘：拣左鹅肝多士及脆青瓜沙律其实鹅肝都算大块，出面个d分量仲少，配埋好清新嘅沙律可减去油腻。餐汤：有2个拣，一个蕃茄汤，一个系图中嘅黑松露蘑菇汤。系真系有细细粒嘅蘑菇粒，唔似罐头个Ｄ咁稀，浓浓地唔错～手造意粉或意大利饭－烧双海虾野菌忌廉汁阔条面海虾比较脢左d，但阔条面就好好食，每条都挂到汁，d汁又好浓郁，果然佢地手工面好出色。主菜：碳烧美国黑安格斯西冷牛扒配黑松露烧汁 (Medium)今次有点overcook左，似7成熟 ，所以有点嚡。不过我欣赏佢嘅黑松露烧汁，
我知道周末就一定多人所以一早6点就黎睇下有冇位，侍应话净得Bar台available，咁冇所谓啦，照食可也。幸运地，侍应后来通知有张2人台可以安排我地坐，所以就可以转（我地唔系西客，冇要求转嫁，冇俾面色嫁，好似侍应话个订台客比较晏先黎到）。
我地叫左2人餐
刺身盘有生蚝4只；红虾2只
2样都好新鲜，特别系红虾，估唔到同牡丹虾有得挥，2只真系唔多够喉。
头盘：拣左鹅肝多士及脆青瓜沙律
其实鹅肝都算大块，出面个d分量仲少，配埋好清新嘅沙律可减去油腻。
餐汤：有2个拣，一个蕃茄汤，一个系图中嘅黑松露蘑菇汤。
系真系有细细粒嘅蘑菇粒，唔似罐头个Ｄ咁稀，浓浓地唔错～
手造意粉或意大利饭
－烧双海虾野菌忌廉汁阔条面
海虾比较脢左d，但阔条面就好好食，每条都挂到汁，d汁又好浓郁，果然佢地手工面好出色。
主菜：碳烧美国黑安格斯西冷牛扒配黑松露烧汁 (Medium)
今次有点overcook左，似7成熟 ，所以有点嚡。不过我欣赏佢嘅黑松露烧汁，唔会太抢牛扒嘅碳烧味，又唔似黑椒汁咁辣咁霸道，烧汁里有少少黑松露味，所以其实好夹。而且个配菜都好出色，钟意个烧薯仔同沙律，真系去左不少油腻感。
饮品：我就冇另外加钱饮野，净系叩左杯冻柠茶，都好大杯，其实上次试过乳酪饮品都几好饮。
加埋一就$440左右，其实我食左几次嫁啦，连埋网上外卖平台都帮衬过一次，多数外卖我觉得唔好食，不过依间嘅外送都好出色，送到上黎都仲热辣辣，不过我下次都系尽量堂食。依间就黎变左我同我老公饭堂了，但越来越多人帮衬，可能迟下都未必食到。
张贴
