C2 Kitchen (已結業)

叫咗個炭燒澳洲M5平鐵牛扒配芥末燒汁（ $115 ）。餐飲係橙汁餐湯係菠菜湯同埋一個沙律。 牛扒半成熟多比較多根。另外叫咗安格斯牛油果煙肉漢堡包跟薯條（ $82 ）食完覺得好滿足。薯條都炸得好好食。值得推介。價錢貴，唔一定係好食。裝修企理有入口嘅酒。入口嘅海鮮同埋食物。餐廳都有好多特別嘅嘢食。

近年已很少寫食評的我今日忍不住要再動筆🖊️寫一寫😁今日傍晚帶兩個朋友去做養生治療 💆🏻‍♀️️💆🏻‍♂️後另一朋友帶我們到這隱世食店，性價比非常得，裝修簡潔並不華麗，但食物質素有驚喜，阿根廷紅蝦🦐刺身首選推介，生蠔🦪出色，手打意大利粉🍝👍👍👍，比目魚🐟超大份量而且肉質和味道都非常好😋，最後的朱古力🍫心太軟加熱情果雪糕🍦真的有畫龍點睛效果，也是必食🤣，餐廳方面雖然強烈推介法國油封鴨🦆腿，可惜女士多未能品嚐得到😜，希望盡快可以一嚐，另外一提喜歡食好西的朋友真的值得一試，地點是有些不方便，但這些小店對食物質素有要求的真的值得去支持💪💪

二人餐好抵食，生蠔唔會因為係頭盤而馬虎，隻隻都好大粒好新鮮😳聽返餐廳推介原來生蠔啱啱到貨，唔怪得咁鮮🤣。另外鵝肝多士好大舊，醬汁酸酸甜甜，十分開胃！仲有青瓜沙律伴碟，一樣好味。主菜牛扒同燴飯都好吸引，推介大家嚟食

情人節晚餐，喺 Google map 物色到呢間嘢所以去試吓。情人節夜晚，高朋滿座，好多熟客，熱鬧非常。＊＊＊＊＊＊＊＊＊＊＊＊＊＊＊＊＊＊＊＊＊烏冬(冷麵)彈牙，比目魚外脆內軟，係唔使用牙都可以咬碎，味道都好好，因為個醬汁調得唔錯。，生蠔幾新鮮，周打蜆湯開胃，唯獨個扒有少少硬。服務員態度良好，會主動問我哋啲嘢好唔好食，係少數我覺得加一係抵比嘅餐廳。情人節人均消費 361，抵食。我有機會會再幫襯，繼續支持小店。

份量好多的午餐。又黎到我搵野食時間。今次黎到呢間西餐廳，比想像中好環境整潔，又冇咩人，或者地區問題呢間餐廳係內街，但廚師整既野食係好好今次我叫左櫻花蝦,海蝦,辣冬陰蕃茄汁意大利粉係一個lunch set ,配埋湯+沙律+凍咖啡要另收加一服務費但呢個意大利粉好濃味，好好食，好出冬陰功既辣味而且份量又比較多推薦一下

今日黎到深水埗同朋友搵食，想試下陰附近新開嘅小店，所以就搵左呢間餐廳。餐廳氛圍好適合情侶黎食，燈光同擺設都有落足心機。我地頭盤就叫左鮮蟹肉牛油果蝦凍批，呢個凍批好足料，蟹肉都牛油果呢個配搭無得輸！ 上面嘅大蝦都好彈呀，擺盤都好靚，好精緻。仲試左佢地推介嘅米蘭牛尾湯，飲等出係落足料去煲，牛尾都煲到好腍。主食我地就叫左兩個有意式肉腸配蕃茄忌廉長通粉同埋海蜆墨汁意大利粉。意式肉腸係用伏特加爆香過，食落比平時嘅多左上左份香氣，醬汁亦都調配得啱啱好。海蜆墨汁意大利飯海蜆好鮮甜，份量都足，意大利飯整體味體恰到好處，配搭埋碟中幾滴蝦油，令成個菜式味道都提升左😬

用膳當日落雨, 所以得幾檯客唔洗等位我叫左個軟殼蟹墨汁意大利飯個蟹炸到好似魚柳咁,上檯以為黎錯左切開只得1/4既蟹身, 其他係炸粉個飯還可以, 唔會食生米既FEEL, 不過味道就咸左DD同事叫左個豬肋骨, 睇落份量都多,但同事食完話唔夠飽, 因為骨多另外叫左個魚, 好似係鱸魚, 3款食物中算係最清既一款, 偷食左D, 個魚算係滑

很少來到深水埗長沙灣，難得今天在這裏工作,由同事介紹，午膳時間來了這間特色西餐廳.午市餐款多選擇， 美色及意式為主， 扒類意粉漢堡都有。 午膳時間不太heavy，選了一個芝士安格斯牛漢堡。先來了一個蔬菜忌廉湯， 攪拌後 加鮮忌廉， 感覺清爽，夏天作為餐前湯非常合適。值得一讚，賣相不錯，醬汁也不太濃厚，不會令到整個包底太濕潤。 牛肉漢堡稍為有點乾，但食落口感不錯，新鮮手打 ， 肉汁很香濃， 沒有肥膩感覺。 芝士及沙律菜令整體更加清新。在座有外國人幫襯，相信都是打造一個比較中高檔的市場。 八十元連加一 光顧了這個午餐，由於空間不是太多， 這裏標榜都是想以高質新鮮健康為主線， 但不能久坐， 未夠休閒。味道環境 質素 衛生回頭性價 服務 份量

首先，食物味道一般，溫度偏冷及鹹，而且職員服務態度惡劣，外賣餐點嚴重延誤45分鐘。，而且隨便放在近門口位置，一來易打翻，二來容易被人偷，三來人來人往食物易被污染。所以不會再光顧。

最近終於得閒，又見好耐無搵過中學同學同中學老師食飯，心血來潮下就約齊人去呢間西餐廳小聚一下，最後估唔到食到一餐咁有質素既晚飯！其實嚟之前都有略略睇過呢間既資料，過到嚟都係想食佢個海鮮拼盤，性價比非常高，而且老細對食物都有一定要求，所以嚟到食到既海鮮就一定非常之新鮮。不得不提呢到既蠔，海水味十足，配埋佢個醬，真係食完一隻又會想食另一隻！至於佢啲蝦用料都好鮮，個陣我淨係食得2隻，其他個啲比啲fd食哂！！！下次再嚟一定會叫多啲！！！

長沙灣深水埗一帶其實都有唔少唔起眼嘅餐廳😆呢間西餐廳嘅餐單不時會變下，而且菜式都幾新穎。店內大約有10張台，都唔會有壓逼感。〰️〰️〰️〰️〰️〰️〰️〰️〰️〰️〰️〰️〰️〰️〰️〰️每個lunch set都會包沙律+餐湯+飲品。沙律醬酸酸甜甜，仲有少少wasabi味，幾開胃！餐湯飲品正常軟殼蟹配香草忌廉義大利飯一開始以為送錯，好似炸魚🤣冇多加調味料，食到軟殼蟹原味，粉有啲多，但整得好脆；義大利飯好香忌廉味，但有少少膩鮮蟹肉明太子忌廉天使麵蟹肉份量都幾多，鮮甜。天使麵細細條，配超多明太子忌廉醬，冇義大利飯咁膩

通常星期日會到長沙灣，一般都會光顧茶餐廳 。因為今天有重要事跟Honey商討，故此想找一間企理的餐廳，c2 kitchen 正合心意。座位潔淨，人也不多。看看下午茶餐牌，價錢合理。我點了帶子忌廉意粉配熱咖啡 $78熱咖啡尚可。不過，所配的是鮮奶，只有一點點，因此咖啡好苦不滑。如果真的用鮮奶，應該多一點；要不，就改半忌廉或花奶。但忌廉帶子意粉，就不太好。帶子是新鮮的。但是，扁意粉應已先出水，出水過度，太稔，以致意粉「黐牙」。另外，忌廉汁太稀，有如「鮮奶湯」一樣，真的不好吃。想走較高檔路線，建議要從做好食物入手。

平時都有食開pizza 意粉，今日試食新出既二人外賣套餐，$229既價錢食到生蠔同紅蝦真係超值！冷盤質素高，第一次食紅蝦估唔到鮮甜程度同牡丹蝦一樣。兩個人真係食唔晒咁多，留番個意粉做聽日午餐

今日一家去到, 叫咗3個set lunch, 一開始餐湯正常, 跟手前菜沙律就出事, 老公食到落底至見到一隻原隻連翼飛鵝🤮同職員講, 佢只sorry一聲! 我地見佢小店冇call食環已經好包容, 唉..已經攪到冇咩胃口, 焗住食主菜, 一黎就蟹肉明太子天使麵, 賣相同味道一致, 差! 好似嘔出黎嘅野咁(有圖)🤮, 個汁真係好稀, 仲起晒泡..其餘兩道菜分別 牛扒 同 漢堡扒配薯條, 賣相味道一般, 值唔值得去食黎講… 我個人嘅經歷話我知, 價錢同級同類型嘅仲有好多更好嘅店選擇! 唔值得特登去試!

是日推介「香煎加州鱸魚柳」先上沙律及餐湯（菠菜忌廉湯），正正常常冇乜補充。約十數分鐘後主菜上枱，賣相很好。先食一舊鱸魚試試，魚皮微脆，魚身不是滑溜的肉質、有啲口感，有魚肉味、冇雪味，配埋昆布忌廉汁，味道不錯。餐飲要咗「生薑百花蜜」，甜甜辣辣，天氣涼非常啱飲。