影片
更多
2008-10-31
6 浏览
师傅早一排兴之所致, 于是相约左封笔食家"今餐食乜好"食餐晚饭, 但碍于师傅唔知几时离开监房, 所以都几难谂食咩, 但突然间想打边炉, 于是就上黎睇下有咩好介绍; 师傅见到呢间食店质素唔差, 于是问下封笔食家"今餐食乜好"有冇兴趣, 结果佢话呢间口碑唔错, 所以就决定呢度啦!再问下封笔食家"今餐食乜好"使唔使订枱啦, 佢竟然语出惊人话, 如果平日黎都爆晒的话, 就点都要等下添喇; 既然如此, 就相约封笔食家一齐去啦! 入到去都算高朋满座, 幸好有两层, 于是上楼上坐底, 准备开餐!一坐底第一时间睇下有咩好食啦, 打边炉咩野都系假, 最重要系拣好个汤底先, 由于之前上黎呢度睇过所以知道呢度嘅猪骨煲汤底系出名, 所以商量一阵就拣左呢个汤底喇! 跟住就柯打野食, 呢度嘅手切肥牛就一定唔少得啦, 仲有午餐肉, 龙虾丸, 芋头鱼片(唔记得个名), 芝士肠, 仲有杂菜; 正当准备开餐时, 有个伙计上黎推介鲜带子, 两位食家见机不可失, 当然不能错过!饮杯过后, 即刻将d午餐肉, 龙虾丸, 芋头鱼片同芝士肠一齐倒晒落去, 等佢慢慢滚下先; 再试下肥牛同鲜带子! 汤底d料真系好足, 大大旧猪骨, 加上
再问下封笔食家"今餐食乜好"使唔使订枱啦, 佢竟然语出惊人话, 如果平日黎都爆晒的话, 就点都要等下添喇; 既然如此, 就相约封笔食家一齐去啦! 入到去都算高朋满座, 幸好有两层, 于是上楼上坐底, 准备开餐!
一坐底第一时间睇下有咩好食啦, 打边炉咩野都系假, 最重要系拣好个汤底先, 由于之前上黎呢度睇过所以知道呢度嘅猪骨煲汤底系出名, 所以商量一阵就拣左呢个汤底喇! 跟住就柯打野食, 呢度嘅手切肥牛就一定唔少得啦, 仲有午餐肉, 龙虾丸, 芋头鱼片(唔记得个名), 芝士肠, 仲有杂菜; 正当准备开餐时, 有个伙计上黎推介鲜带子, 两位食家见机不可失, 当然不能错过!
饮杯过后, 即刻将d午餐肉, 龙虾丸, 芋头鱼片同芝士肠一齐倒晒落去, 等佢慢慢滚下先; 再试下肥牛同鲜带子! 汤底d料真系好足, 大大旧猪骨, 加上有蕃茄, 味道清甜, 好味; 再讲下肥牛, 肥牛真系好大碟, 加上切得好薄, 拖一拖就食得, 肥牛好有牛肉味,同埋好松身, 劲正; 鲜带子一碟有六只, 卖相都几靓几吸引, 放入个锅度滚一阵, 就食得, 带子身都算韧, 味道就算鲜, 可以接受到!
而午餐肉就冇咩特别, 不过打边炉就一定唔少得架喇; 龙虾丸就几大粒, 而且味道香甜, 加上爽口弹牙, 又系师傅觉得打边炉唔可以少嘅; 芋头鱼片系师傅第一次食, 师傅觉得真系好好味, 但又唔系好识得讲添, 惨! 芝士肠冇咩特别, 而杂菜有四款, 有生菜同西洋菜等, 菜都洗得算干净加上几嫩绿, 掂㖞!
总括黎讲食物质素绝对出位, 环境气氛唔算特别好, 服务都系属于一般, 而价钱就可以接受, 埋单每人都系两旧水多少少, 但系食咁鬼多野, 都算抵食; 同封笔食家"今餐食乜好"边食边吹, 大家尽诉心中情, 加上美食当前, 感觉非常开心, 师傅觉得如果能够有多两位靓女一齐打边炉, 应该仲正; 笑脸师傅比硬, 而且一定有下次!
后记: 今次打边炉竟然冇柯打到鱼皮饺添, 下次一定要补番!
张贴
