影片
更多
2023-04-06
89 浏览
📍大家都知大围多嘢食，但嚟嚟去去都系去返地铁站附近，今次我哋一于去远少少嚟到大围下径口村~由大围站出去都唔使行好耐，大概10几分钟到，中间经过田心村，沿路大多村屋同低密度住宅，望到大大个操场同埋好有特色嘅民居，就好似返返去日本咁！如果大家闲日有时间，想周围行吓，不妨嚟呢度☺️我哋去到嘅时候大概七点左右，当时都冇咩人，但夜少少就会全场full晒。入到去发现间舖头细细间，喺三层村屋嘅最下面，睇落非常住家，同出面嘅食店非常唔同，有别一番嘅风味。店内环境如下🪑餐牌如下🍲(未能尽录）🔻1. 菠萝沙冰（$36）~ 饮品另外有跟餐优惠我平时好怕啲甜品舖或者台式饮品店嘅沙冰油好重人工香料味🙈食落去好似一大堆色素同香精堆砌而成咁，但系呢度嘅菠萝沙冰好原汁原味！我哋喺出面都见到佢并唔单只系用机打，同样有用人手打啲沙冰出嚟，所以佢嘅口感比较绵密细腻～而且杯嘢都非常抵，一摆上台一杯好似成个手臂咁高。🔻2. 双柠特饮 （$ 32）相信大家冻柠茶就饮得多，唔知有冇饮过两种柠檬混和一齐嘅呢？呢杯嘢饮加咗意大利青柠果肉，同埋新鲜柠檬，令到佢嘅颜色外观都有两只色嘅分差。一边饮就可以食到啲青柠果肉，细细粒都几fresh，口
由大围站出去都唔使行好耐，大概10几分钟到，中间经过田心村，沿路大多村屋同低密度住宅，望到大大个操场同埋好有特色嘅民居，就好似返返去日本咁！
如果大家闲日有时间，想周围行吓，不妨嚟呢度☺️
我哋去到嘅时候大概七点左右，当时都冇咩人，但夜少少就会全场full晒。入到去发现间舖头细细间，喺三层村屋嘅最下面，睇落非常住家，同出面嘅食店非常唔同，有别一番嘅风味。
店内环境如下🪑
餐牌如下🍲(未能尽录）
🔻
1. 菠萝沙冰（$36）~ 饮品另外有跟餐优惠
我平时好怕啲甜品舖或者台式饮品店嘅沙冰油好重人工香料味🙈
食落去好似一大堆色素同香精堆砌而成咁，但系呢度嘅菠萝沙冰好原汁原味！我哋喺出面都见到佢并唔单只系用机打，同样有用人手打啲沙冰出嚟，所以佢嘅口感比较绵密细腻～
而且杯嘢都非常抵，一摆上台一杯好似成个手臂咁高。
🔻
2. 双柠特饮 （$ 32）
相信大家冻柠茶就饮得多，唔知有冇饮过两种柠檬混和一齐嘅呢？呢杯嘢饮加咗意大利青柠果肉，同埋新鲜柠檬，令到佢嘅颜色外观都有两只色嘅分差。一边饮就可以食到啲青柠果肉，细细粒都几fresh，口感好得意！
🔻
3. 毒门鸡中翼 （$48）
我同同行嘅朋友都系鸡翼爱好者，两个不断赞不断争，差啲抢唔到！佢嘅鸡翼好有层次，一方面味道浓郁， 烤咗嘅皮都好有口感；）如果你同我一样都系鸡翼杀手，千祈唔可以错过！
🔻
4. 牛颈脊浓汤乌冬配温泉蛋 （$60）
就咁睇卖相可能平平无奇，但系奥妙之处喺个汤底，老板用牛尾、猪骨、萝卜、洋葱熬煮而成，反覆腌制，将牛嘅精髓集合埋一齐。
在配埋弹牙嘅乌冬同温泉蛋真系冇得顶！我差唔多成碗汤饮晒咁滞，佢同出面嘅味精汤非常唔同，搞到我都唔记得自己想减肥🙈
🔻
5. 原件黑安格斯牛扒饭配温泉蛋 （$118 ）
呢碗系我个friend嗌嘅，我试咗佢一两旧牛，发现都几有咬口又唔实，配埋饭素同温泉蛋捞饭都算系一番享受！
🔻
最后我哋两个总共食咗$266 ，除返开都系百几蚊一个人，所以都几抵👍🏻间舖头系由夫妇家庭式经营，不论环境、人定食物都俾我都有住家饭式嘅温暖，老板娘都好Nice，舖头冇咩人嘅时候都会同我哋倾几句计，食完又再行返去大围搭车走，都算系个唔错嘅出走经验💕
张贴
