Shack Tapazaka

营业中

休息中

同朋友嚟咗呢间居酒屋食下午茶本身已经打算叫梅酒，见到有依个优惠就点咗个姜梅酒试下虽然系夏天饮，但因为有旧大冰喺中间所以好透心凉。甜度适中，姜味唔会重得太过份。送嘅酥炸鱿鱼圈都几好食，鱿鱼弹牙，点嘅酱系辣酱再加日本沙律酱一齐点，好开胃送酒。吉列池鱼原来系咁大条，好啖啖肉。朋友系食肉兽，叫咗个肉海纵横，有烧猪腩肉、免治鸡肉棒、牛柳粒同猪柳粒，其中我地觉得免治鸡肉棒最好食，因为够哂腍同软滑。肉嘅调味都ok. 次次食串烧都一定会点牛舌，今次依款系薄牛舌，烧之前可能已经整熟过，所以相对较腍，牛肉味都浓嘅。菇味好香浓烤茄子涂咗烤汁喺上面，唔会太干。