太郎居酒屋

营业中

休息中

走入平时比较少去近中港城果边既广东道，见到呢间太朗居酒屋好似几有feel就同个朋友入去试一试。店内既气氛都充满日系风，最特别同有印象既系满布日式海报既墙身，带点复古风得黎又有特色。收工后黎到居酒屋当然要好似日本人咁饮返一杯酒又食下送酒小食先啦。今次试左款几特别既叫芒椰奶西既香港手工啤，入口清爽带一阵果香而且入口幼滑又带浓密既汽泡感。配上炸日本虾作为下酒菜先开一开胃，炸迷你虾一口size，味道咸香又香脆。再配上刺身盛合真系完美！一啖新鲜鱼生再配一啖啤酒够晒爽。盛合内有平时好少食既日本蚝-日之雪花蚝，原来日本蚝质素系咁高！好新鲜。北海道珍宝带子弹牙又甘甜。深海池鱼， 剑鱼腩，油甘鱼同样带出鱼油香又鲜。特丹虾甘甜弹牙好满足。水母刺身系居酒屋真系第一次食！港式海蜇就食得多但原来日式都可以咁有特色。加上少少日式醋带点酸香同样系开胃下酒菜之选。同样系居酒屋入面串烧一定唔少得！今次点左几款串烧同朋友一边食一边倾下计。2款蔬菜类既翠肉瓜同鸡脾菇都烧得刚好唔会过干身。盐烧鸡软骨香脆仲带点软骨既油脂香。其余仲点左芥末松阪猪，孜然猪大肠同最爱既盐烧鸡翼试试！整体都好唔错，烧得够香口又唔会过焦。