山喬居酒屋

营业中

休息中

餐厅环境除咗有bar枱设计，可以一路食一路睇住师傅处理食材，另外都有四人座位，大部份都有分隔 ，够晒有私隐度。💚萤光鱿鱼渍前菜方面就要咗呢个萤光鱿鱼渍，虽然佢系渍物但都食到食材本身嘅咸鲜味。💚盐水牛舌 牛舌用简单嘅盐水调味，另外会配上Honey Mustard， 可以按照个人需要去调味，牛舌质地软腍。💚三文鱼寿司 油甘鱼寿司 真鲷寿司 玉子寿司寿司鱼生类食材新鲜，玉子超好食，玉子厚身带甜，里面湿润。💚盐烧鸡翼 鸡软骨 和风茄子💚露荀豚肉串 白鳝 鹤鹑蛋去居酒屋梗系唔少得食串烧，各种串烧都唔错，个人最推介系呢个白鳝，本身白鳝啲皮烧到脆卜卜，加上微辛嘅调味，好香口，而肉质嫩滑，好食。💚鸡泡鱼干鸡泡鱼干系我个人最钟意喺居酒屋食嘅嘢，鸡泡鱼干经过加热后会好香，咸咸地甜甜地咁，一路倾偈一路送酒就最啱。💚茶渍饭 -明太子茶渍饭里面有大大嚿嘅明太子，冬天食碗暖笠笠嘅茶渍饭真系暖入心。💚烧饭团 -樱花虾喺日本食居酒屋都会叫嘅烧饭团，佢呢度有几款可以拣今次叫咗樱花虾。