柏 (已結業)

中午心血来潮想食日本野，尖沙咀都算系一个多日本餐厅的地方，就拣了一家居酒屋。居酒屋用餐，环境都算重要一环，呢度环境舒服，用餐的感觉唔错。日本大船渡岩蚝时令岩蚝嫩滑鲜甜的味道，蚝味浓厚，极度爽口。鲂𫚒鱼薄切鱼身白里带红，入口清爽鲜甜，蘸辣萝卜茸，葱花及酸汁份外开胃。大根鲍鱼 $108鲍鱼爽口弹牙，酱汁是精华所在，仲有萝卜吸汁，配合精致摆碟令人心动。利久汁烧安格烧肉眼 $208利久虽然出名牛舌，但肉眼都唔失礼。口感香嫩而且汁烧惹味好吃，私心想要一碗饭。套餐包埋的茶碗蒸都好足料，虾肉，瑶柱同其他各种配料，口感丰富。串烧六点定食 $138手羽先、牛舌、翠玉瓜、鸡腿肉、意大利红椒、免治鸡肉最喜欢牛舌，爽口多汁，手羽先外脆内软，鸡腿肉弹牙。柏•特盛丼 $380岩晒眼阔肚窄，又一次过想食多款刺身的我。共十五种食材，数都数唔晒，赤身渍、汁煮八爪鱼、海胆、大拖罗、汁煮鲍鱼、烧平贝、三文鱼籽、牡丹虾、真鲷、鲭鱼、鲂𫚒鱼、鲛鲽等，唔同种类，加埋套餐面豉汤，蒸蛋同沙律，饱到上心口。