三代目 (港運城)

营业中

休息中

日式居酒屋同拉面都系我比较钟意既日式餐厅同料理，如果两者mix埋一齐就会锦上添花。最近就去左系北角既【三代目】主打居酒屋同特色小食、拉面、丼饭等等。最特别就系有$188任饮9款特色清酒，分左3个唔同口味类别，可以搭配唔同下酒菜/小食。仲有9只好靓既清酒杯，唔会捞乱味。 黑椒炙牛拉面：好特别系牛肉既拉面，通常都系豚肉同鸡肉。汤底系猪骨汤，但系咸淡适中、唔会好油。拉面分量都算多，调味比较简单，可以食的出牛肉既鲜嫩同猪骨汤既香浓。 辛烧豚梅肉拉面：汤底都系猪骨汤，不过会加左辣椒，所以汤底变得香香辣辣。叉烧用左猪梅花肉，肥瘦相间，油脂味香。 海之天妇罗：包括虾、鲷鱼、黑松露带子、墨鱼、紫苏叶。新鲜炸起，天妇罗炸皮非常干爽香脆，海鲜都好新鲜！个人反而最推荐紫苏叶，因为真系好少地方食到。 照烧鱿鱼筒：好爽脆既鱿鱼搭配甜甜既照烧酱，搭配清酒一流。 苹果焙茶：苹果汁+焙茶，苹果味唔算太浓，不过好解渴。 荔枝焙茶：荔枝+焙茶，荔枝味会比苹果浓，不过都好清爽。