八十八居酒屋

营业中

休息中

近排股市牛皮，从事证劵买卖的旧同学压力好大，我哋约佢食晚等佢可以轻松一下，因为知道有间居酒屋叫做八十八，咁好意头好啱佢。我哋女仔食得要好但唔需要多，饮少少酒可以减压，所以主要点可以送下酒的新款食品。系台湾食过樱花虾，劲钟意，所以第一款就系佢，炸樱花虾，估唔到，细细只都咁肥，脆卜卜，咸咸地，又惹味！呢度学西班牙菜叫tapas，我哋点了三款，优惠价$360。第一款到，松露酱油烧带子，用紫菜包住食，似食海胆吃法，酱油有咸香，日式酱点都有啲面鼓咁，几有新鲜感，够香脆。第二款又系包住食的，但唔需要自己包，出现已经包好，芝麻汁烧三文鱼寿司生菜包，真系未试过，生菜包鱼生吃过，包寿司都唔错，本来只有软棉棉口感，现在多了生菜的爽脆。最后系汁烧黑豚架，肉好嫩，汁好味，烧得够火喉，大件够食。未够饱，加几条串烧，店员特别推介华味鸟，未食过，所以听佢话。先到的竟然系烧鸡尾巴，真抵死，尾都食，又真系好肥，滑溜溜，无筋似食肥猪肉。鸡颈肉用猪颈肉差不多，韧靱嫩嫩，有口感，烧得好好。大家倾得好开始，呢度气氛好，坐得舒服，食物质素几好，唔算平但都值。