幸屋

营业中

休息中

今日到湾仔开会，同事介绍咗哩间拉面店，咁试试啦。店铺装修得好日式风，好似居酒屋，不过系食拉面，好得意。冷豆腐，叫定2个小食等拉面。豆腐汁用咗日式鲣鱼汁，汤色清澈鲜甜。豆腐入口嫩滑，同酱汁好夹。蟹籽沙律，沙律分量好大，自家制沙律酱捞埋青瓜，蟹流同鱼籽，食落清爽口感好丰富。黑蒜浓厚山药豚骨拉面，拉面可以自己选韧度，我中意普通程度，唔会好韧。溏心蛋制作得好出色，蛋白Q弹，蛋黄流心。汤底浓郁，唔会好重蒜味，山药加入，让汤汁更加浓稠，更易挂面。樱花虾味增拉面，除咗日式叉烧，木耳，紫菜等还落入大量樱花虾。汤底饮得出系用心制作，汤底劲甜，一定落咗大量蔬菜煲制。叉烧大件嫩滑，面条弹牙爽口，全部食晒TIM。