CHI Tachinomi (屯門市廣場) (已結業)

之前听朋友话屯市有居酒屋，机缘巧合下终于一试。一入门口，已经感受到日本嘅情怀，小店嘅感觉，好好彩可以坐Bar枱。店员热情介绍串烧，听到心思思。又想食串烧，又想医饱肚，就决定食套餐，包前菜、饭、两项串烧同饮品。前菜点左鲣蒜味增渍同冰菜沙律。鲣蒜味增渍食落唔似蒜！冇咗攻鼻嘅蒜味，有好浓郁嘅海鲜味，好开胃。口感亦爽口。冰菜新鲜，做沙律都几好。饭叫咗大阪牛肉饭同咖哩炸鸡饭。大阪牛肉饭有叫惊喜。同想像唔同，唔系用薄切牛肉片，而系用牛腩。牛腩厚身，软熟，煮得入味。配埋牛肉汁好快就清咗成碗饭。咖哩炸鸡饭正常发挥，炸鸡脆口。叫两个餐有四串串烧，大满足。点咗香菇、秋葵、京葱鸡髀肉、猪腩葡萄卷。京葱鸡髀肉好juicy，烧葱好香。。 京葱鸡髀肉好juicy，烧葱好香。猪腩葡萄卷系必试。用猪腩片包住葡萄呢个组合好新鲜。葡萄减轻猪腩片嘅油腻感。听日仲要返工，唯有以麦茶代酒，一边饮，一边食住烧生蚝。生蚝新鲜饱满，仲保留多少少海水味。$88 半打好抵食。黎居酒屋好似嚟咗一转日本小旅行。