影片
更多
2021-05-31
8259 浏览
🎊柴妹生日㖞！梗系要贺一贺佢喇！熊妹今次就特定拣左位于将军澳的《九龙东皇冠假日酒店》的酒店餐厅《Cielo》入面的下午茶high一high佢！📌 《Cielo》系酒店的47楼，好少酒店餐厅会系咁高层，多楼都系一二楼，高层都系房间楼层黎欣赏风景，所以去到咁高食野听到都好吸引。📌餐厅环境好大好宽敞，枱与枱之间好阔落，坐得好舒服。天花板挂满银片星星🌟，装修怖置得好靓，系星星闪烁下💫进餐，绝对切合餐厅《星幕》的主题。📌呢个《法式浪漫下午茶》，每日三点至五点都有得供应，包五款咸点、五款甜点同埋两杯咖啡或茶，平日价钱$258两位，收加一，虽然冇下午茶嘅灵魂-英式松饼，不过呢个价钱绝对亲民同抵食啦！法式浪漫下午茶Tiffany Blue颜色做噱头，当然能够俘虏大众的少女心喇💕。上层-甜点层榛子千层酥面头有粒原粒榛子粒，然后三层千层酥酥皮好松化，中间夹杂着榛子酱，卖相好睇之余味道仲几好，食出甜品师傅嘅功架。白朱古力慕丝长泡芙哗呢款就系成个下午茶嘅灵魂Tiffany Blue甜品啦！用上Tiffany Blue嘅颜色做嘅白朱古力慕丝卖相真系好靓，上面插着几块超薄嘅白朱古力片，入口即溶，虽然慕丝系白朱古力
📌 《Cielo》系酒店的47楼，好少酒店餐厅会系咁高层，多楼都系一二楼，高层都系房间楼层黎欣赏风景，所以去到咁高食野听到都好吸引。
📌餐厅环境好大好宽敞，枱与枱之间好阔落，坐得好舒服。天花板挂满银片星星🌟，装修怖置得好靓，系星星闪烁下💫进餐，绝对切合餐厅《星幕》的主题。
📌呢个《法式浪漫下午茶》，每日三点至五点都有得供应，包五款咸点、五款甜点同埋两杯咖啡或茶，平日价钱$258两位，收加一，虽然冇下午茶嘅灵魂-英式松饼，不过呢个价钱绝对亲民同抵食啦！
法式浪漫下午茶
$280
232 浏览
0 赞好
0 留言
Tiffany Blue颜色做噱头，当然能够俘虏大众的少女心喇💕。
上层
159 浏览
0 赞好
0 留言
榛子千层酥
面头有粒原粒榛子粒，然后三层千层酥酥皮好松化，中间夹杂着榛子酱，卖相好睇之余味道仲几好，食出甜品师傅嘅功架。
白朱古力慕丝长泡芙
哗呢款就系成个下午茶嘅灵魂Tiffany Blue甜品啦！
用上Tiffany Blue嘅颜色做嘅白朱古力慕丝卖相真系好靓，上面插着几块超薄嘅白朱古力片，入口即溶，虽然慕丝系白朱古力做，但系唔会太甜，甜度适宜，系会令人记住嘅甜点。
法式炖蛋泡芙
迷你嘅一件泡芙仔🥠，有成件厚实嘅炖蛋🍮放喺泡芙入边，鸡蛋味好香浓，口感好幼滑，夹埋软身无味嘅泡芙一齐食，口感配撘得唔错。
中层
130 浏览
0 赞好
0 留言
大虾慕丝酿青瓜配黑鱼子
一件厚青瓜🥒上面唧上虾味嘅慕丝，再有几粒咸咸嘅黑鱼子挂味，清新嘅青瓜配合鲜咸味嘅材料，中和味道，配搭唔错。
法国羊奶芝士红菜头泡芙
外型好似汉堡包入边有一片羊奶芝士，芝士味道好浓郁，连埋淡味嘅红菜头同空气感嘅泡芙，配搭几新颖。
烟三文鱼忌廉芝士酥盒
一粒酥盒仔入边酿著碎粒烟三文鱼忌廉芝士酱，味道正常，一啖放入口，简单又好味嘅一款咸点。
烧牛肉蓝芝士意大利香草包
意大利香草包香草味好香，面包好软熟，面头涂上一层薄薄嘅蓝芝士酱，虽然好薄一层，但味道依然系超浓郁，然后面头卷上一团烧牛肉片，烧到大概五成熟，冇血水仲有啲红肉，口感好软淋，唔错！
煎吞拿鱼粒配蕃茄干
煎吞拿鱼粒表皮铺满芝麻，煎到熟透，内里仲带点红肉大概都系七成熟，令到肉质好有咬口，仲连埋粒煎烤过嘅蕃茄仔🍅一齐食，酸酸甜甜，似系一款好细份量嘅前菜，好好味。
下层
101 浏览
0 赞好
0 留言
法式青柠挞
熊妹最钟意嘅法式柠檬挞，上面有几粒烤过嘅蛋白，中间系酸味味嘅柠檬酱🍋，侧边系脆口嘅挞皮，三款材料各有味道，三者又可以混合一齐食，绝对滋味。
另外仲跟上半个Tiffany Blue嘅朱古力园盖嵌着柠檬挞作为一个装饰，卖相已经好抢眼。
法国歌剧院蛋糕
呢个歌剧院蛋糕做法无得弹，就系典型由多层朱古力🍫形成嘅蛋糕，一叉放入口，多重朱古力味道徘徊喺口腔之中，好似身处喺歌剧院咁震撼，非常出色。
上面仲有粒Tiffany Blue嘅心形朱古力，又一gimmick之作。
📌最后，仲每人送上Eurobeauté体验装，简直系又食又拎🛍，送埋生日礼物🎁俾柴妹，
📌整体来讲，甜点同咸点嘅味道恰到好处，做法好精致，完全感受到酒店师傅嘅功架非同凡响，因为熊妹等埋柴妹放工4点先到，最后店员俾坐到5:30先走，咁嘅价钱，咁嘅味道，咁嘅环境，咁嘅服务，绝对系物超所值。
张贴
