老街坊菜館

营业中

休息中

揾食肥华在6月24日星期五，在此店䜩请政府工旧同事，到此店晚饍，因肥华对此店出品充满信心，所以无谂住再为此店出食评赞好，，以免被人话肥华是此店打手，嘅然唔写食评，所以𩠌菜相都无影一张，衹想当晚同各好友开开心心食餐就Ok嘞，现今此店巳成人气爆场店，老细都话来食晚饭最好早两日订位，若即时到埸未必有位俾到顾客，是晚肥华呢围六人枱就系早四日前来电预订才有，当然同时亦要订埋此店名物无骨炸子鸡，可惜此晚除咗呢只名物及䓤捞鱼皮保持水准外，其余菜色一口臭豆腐，竹笙炆豆腐，通菜炒牛肉都是一般普通饭店水准，衹值C+评分，至于个菠萝生炒骨及酸菜猪肠鸭血就可说拙劣之作，个生炒骨皮脆肉无味好多两𩠌饭嘅生炒骨都好过去，同新南苑$55元个生炒骨午餐比更输成条街，至于个酸菜猪肠鸭血，六人食过一啖部话，啲盐系唔系好平，呢味菜食完要洗肾𠮶只，呢两样𩠌评分系E，总知肥华今餐愧对俾面出席嘅呢餐晚饭同事，肥华日后会安排一餐玛宝鲜乳鸽餐，作谢罪😔😔😔