影片
更多
2023-09-09
7082 浏览
之前已食过留家厨房嘅晚饭，觉得真系好惊艳，所以今次适逢母亲节，决定带埋老人家一齐嚟试吓佢哋嘅早茶。⠀⠀留家厨房以前系可以经OpenRice book位嘅，上次食晚餐嘅时候系星期六，足足早咗个几月book先book到位，所以其实留家厨房真系一枱难求。自从取消咗OpenRice book位，而家就得返打电话book枱。⠀留家厨房嘅早茶，绝对唔比晚市逊色，上次试唔到留家嘅叉烧，谂住今次点都有机会试吓啦，但原来叉烧只有晚市先供应😭😭换言之又要下次再嚟啦，不过留家又真系好值得encore嘅🥰⠀⠀饮茶嚟讲呢度嘅点心系可以逐件逐件嗌嘅，两个人可以嗌两件，四个人嘅都可以嗌四件，系几贴心嘅服务，同其他比较高级嘅中菜厅饮茶嘅体验相似。⠀⠀留家烟熏鸡（半只）$218⠀蟹肉灌汤饺（一只）$52⠀蜂巢芋角（两件）$30⠀笋尖鲜虾饺 （一笼四件）$52⠀蜜汁叉烧包 （两件）$30⠀怀旧虾多士 （两件）$36⠀山竹牛肉球 （两件）$24⠀糖丝脆麻花 $36⠀怀旧芝麻卷 $30⠀⠀留家烟熏鸡之前同朋友食过，觉得非常惊艳，咁啱中午冇得试佢嘅叉烧，所以决定encore比屋企人都试吓佢哋嘅招牌菜。第二次食，同样系咁惊艳。
⠀
留家厨房以前系可以经OpenRice book位嘅，上次食晚餐嘅时候系星期六，足足早咗个几月book先book到位，所以其实留家厨房真系一枱难求。自从取消咗OpenRice book位，而家就得返打电话book枱。
⠀
留家厨房嘅早茶，绝对唔比晚市逊色，上次试唔到留家嘅叉烧，谂住今次点都有机会试吓啦，但原来叉烧只有晚市先供应😭😭换言之又要下次再嚟啦，不过留家又真系好值得encore嘅🥰⠀
⠀
饮茶嚟讲呢度嘅点心系可以逐件逐件嗌嘅，两个人可以嗌两件，四个人嘅都可以嗌四件，系几贴心嘅服务，同其他比较高级嘅中菜厅饮茶嘅体验相似。⠀
⠀
留家烟熏鸡（半只）$218⠀
蟹肉灌汤饺（一只）$52⠀
蜂巢芋角（两件）$30⠀
笋尖鲜虾饺 （一笼四件）$52⠀
蜜汁叉烧包 （两件）$30⠀
怀旧虾多士 （两件）$36⠀
山竹牛肉球 （两件）$24⠀
糖丝脆麻花 $36⠀
怀旧芝麻卷 $30⠀
⠀
留家烟熏鸡之前同朋友食过，觉得非常惊艳，咁啱中午冇得试佢嘅叉烧，所以决定encore比屋企人都试吓佢哋嘅招牌菜。第二次食，同样系咁惊艳。佢哋系用100日嘅鸡，用卤汁浸熟，再加入干玫瑰花蕾、甘蔗同片糖烟熏而成，因此食落比起平时嘅豉油鸡香好多，烟熏味扑鼻而来，但又唔会盖过咗鸡嘅鲜味。鸡肉非常入味，口感嫩滑，就连鸡胸都好好食，而且成只鸡冇过肥或者过瘦，食落啱啱好，完全保持到上次嚟食嘅风味。值得一提嘅系，呢份烟熏鸡除咗有鸡肉，仲有鸡肾同鸡润。呢个招牌菜真系值得encore再encore！⠀
⠀
点心整体嚟讲都系好令人满意。留家嘅点心行平实路线，同其他攞过米芝莲嘅中菜厅相比，绝对唔算系超级精致花巧，但即使系行平实路线，仍然无阻留家厨房发挥佢嘅高水准。蜂巢芋角、糖丝脆麻花同埋怀旧芝麻卷都超出色，其他太部分都好食，唯独系山竹牛肉球蒸得太耐，腐皮有啲干，扣咗少少分。总括嚟讲，家母话「非常之满意」🥰
张贴
