佳芳廚房 (已搬遷) 新店位置

今日约咗朋友食linch,佢介绍咗呢间餐厅，睇睇餐牌，价钱大众化，唔算太贵，入到去店员极力推介佢地嘅招牌猪手，咁就叫黎试吓。招牌南乳猪手面配韭菜猪肉蒸饺份量都几大碟，仲有大量生菜，捞面都几好食，面质烟韧弹牙，而猪手个颜色都几靓，食落好重胶质，煮得好入味，个皮都几Q弹，店员真系冇推介错，好味。而韭菜猪肉蒸饺都几大只，入面劲足料，咬开仲有好多汁涌出黎，好juicy,好味。无骨海南鸡饭配汤鸡嘅份量都算多，食落都好嫩滑，佢地嘅油饭都唔错，几香口，仲有跟埋个汤，个汤味道清清地，都好有鸡味，饮完都唔口渴。涷柠茶柠檬够酸，唔苦，茶味几浓