賓墟冰室

营业中

休息中

宾墟冰室，冰室字眼就令我想起胡枫同芳芳年代。见佢餐牌都好多选择，亦有套餐，我拣一款套餐(送蚝油生菜一碟)两个白饭同两杯饮品。两碗中汤霸王花、蜜枣、南北杏、红萝卜煲瘦肉汤，好清润冇味精嘅汤水。蒜蓉粉丝蒸虾，虾做法系开边蒸，蒸出嚟虾嘅鲜味比蒜蓉粉丝索晒，好𩠌饭。菠萝生炒骨，我最爱食新鲜菠萝，而洋葱、青红椒同生炒骨系最夹，生炒骨酱汁甜酸适中，开胃小炒。另外单点。瑶柱三色蒸水蛋蒸蛋出嚟口感都滑，每一口都有皮蛋咸蛋粒，我觉得主角就系豉油熟油，咸甜中带出蒸蛋嘅精髓。