意樂餐廳 (喜韻商場) (已結業)

意乐今日落雨，但系小编都想要一个good morning 先去番工，咁先有动力做野。唔想行咁远去食早餐，所以就试下屋企附近既意乐。粟米白汁鸡丝汤扁意粉配蒜蓉西多士🍽个汤唔好觉得好咸，鸡肉亦不会咸，味道不错。但如果下次厨房将鸡肉分件细旧点会较易入口。意粉亦不会太硬，捞埋白汁鸡丝味道啱啱好。蒜蓉西多士上的蒜蓉分配得平均，唔会一边有一边冇，上枱时仲系热腾腾，所以食落去更加带出蒜蓉嘅味道。香草鸡扒配流沙牛角酥🍽入面有肠仔，沙律菜，煎焗流心蛋，香草鸡扒。 香草鸡扒唔会煎得太㶶，味道啱啱好，再加埋香草嘅味道 食落更加惹味。流心蛋煎得好靓，轻轻点一点蛋浆已经流出来。加埋沙律菜食落去好fresh又健康。最值得一赞系新推出流沙牛角酥， 一撕开已经有奶黄流出嚟，口感好正。冻即磨咖啡🍽咖啡系用南非既咖啡豆，所以饮落去味道系唔同嘅， 唔系出面普通茶记嘅冻咖啡。