屋喔 (已結業)

今日係上環睇完醫生，原來都7點幾。吾知點解睇完個鐘見到晚飯時間，就覺得好肚餓啦。係附近搵下有咩食，就見到呢間餐廳個名又幾得意，叫做屋喔！自己一支公就試一試。點了一個五香雞翼麵，有三隻雞翼係鹵水雞翼，好夠入味肉都夠滑，而且幾大隻。個麵既湯底好夠濃，麵都幾旦牙，好有台灣既風味。另外叫左個台式燒香腸，我真係非常之喜歡食，一碟有兩條，已經切成為一片片，方便入口但吾太油，又幾好。冇肥膏，肉味夠豐富而且味精不算多， 調校得啱啱好。水果冰紅茶，都算幾大杯。但生果數量又吾好多，因為本身自己比較鐘意食生果，飲落口比較酸。我喜歡這個味道，但可以再凍多少少就好啦！