屋子生活 (已結業)

马鞍山系美食沙漠全世界都知，但沙漠都有一点点绿洲。就系最尾嘅乌溪沙站，商场内有间好舒服悠闲嘅餐厅，落地大玻璃果边仲有榻榻米。食物都唔错，午餐可以悠悠闲闲。和风汉堡丼 ＄72  一个套餐卖相就好靓，太阳蛋黄系胀卜卜。汉堡几松化，调味唔错。最好系白饭配上香松味道更上一层。鳗鱼综合茶泡丼 ＄72卖相就几靓，但鳗鱼得少少两片实在唔够喉。茶汤味道几清香，再加上少少芥末，感觉完全唔同晒。加＄25就可以转套餐，有味噌汤、沙律、饮品。饮品要左抹绿奶茶，奶茶中带点绿茶味，不错。小仓抹茶窝夫配抹茶雪糕 ＄50靓靓甜品，味道都算唔错。雪糕绿茶味道够，窝夫蛋香味够又松软。淋抹茶酱团圆丸子配抹茶雪糕 ＄50自行加上抹茶酱几特别。小丸子系烟烟韧韧。不过前后两个甜品实在太似，就无乜惊喜。环境舒服，好适合小朋友，食物卖相靓，味道都唔错，值得一试。