芳彩甜品

营业中

休息中

话说岩岩搬左屋，搬左黎油塘，每日都发掘紧不同既油塘屋村美食，最钟意夜晚揾朋友系油塘倾心事，最近就揾到系大本型隔离既一间糖水铺，亦系油塘数一数二既糖水地铺，当然要去试下啦！😋😋😋首先入到去，睇下个menu,哇！唔好睇佢细细间糖水铺，一拎张menu睇发现佢不同种类中式西式乜野糖水都有！肚饿既时候仲有熟食添！真系好西利！佢除左有最普通既糖水 eg 西米露、紫米露、杨枝甘露、豆腐花等等，佢仲有好多好特别既糖水款式架！最后，我同我朋友嗌左西瓜凉粉士多啤梨雪糕，同埋奇趣天地！😋奇趣天地？咩黎架？玩具店？咁就紧系唔系啦！原来佢地既奇趣天地相当有趣！系由红豆，黄豆粉，炼奶，凉粉，同埋刨冰组成，仲有一球雪糕可以自选添！钟意食朱古力既我就当然简左朱古力味雪糕啦！味道又浓又好味！而且夏天食仲特别凉快添！！真系好正呀！又近我屋企！以后都会多多帮衬😋😋😋